上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
帖撒羅尼迦後書
請安
1:1 保羅、及西拉，以及提摩太批寄互帖撒羅尼迦人的教會，就是𫢶佇咱的父──上帝及主耶穌基督的。
1:2 願恁對父上帝及主耶穌基督得著恩典、平安。
基督閣來時的審判
1:3 兄弟啊，阮應該為著恁常常感謝上帝，這本是合宜的；因為恁的信益發長大，閣恁眾人逐個相疼的心攏充足。
1:4 致到阮佇上帝諸個教會將恁來誇口，因為恁佇一切的窘逐及所受的患難中，有存吞愞及信的心。
1:5 這就是上帝公義審判明的憑據，互恁通算做會堪得佇上帝的國；就是恁為著伊受苦的。
1:6 因為上帝照公義，欲用患難報應許個互恁抵著患難的人；
1:7 也欲互恁諸個受患難的人及阮同得著安息。就是佇主耶穌及伊有權能的天使佇火焰中對天顯現的時，
1:8 來報冤佇許個識上帝及順服咱的主耶穌的福音的。
1:9 此號人欲受刑罰，就是永遠的滅無，離開主的面前及伊權能的榮光。
1:10 當主臨到的日，就是伊欲佇諸個聖徒得著榮光，也佇彼日伊欲佇攏總信的人得著謳咾。因為阮對恁所干證的，恁有信。
1:11 為著按呢，阮也常常替恁祈禱，願咱的上帝看恁做會堪得佇所受的召，閣用權能來圓滿一切所欣慕的好，及對信所做的工；
1:12 互咱的主耶穌的名佇恁得著榮光，恁也佇伊得著榮光，照咱的上帝及主耶穌基督的恩。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。