上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
帖撒羅尼迦前書
3:1 所以阮已經愞𣍐住，就定著欲單身住佇雅典，
3:2 差阮的兄弟提摩太，伊佇基督的福音做上帝的差用，來堅固恁，閣為著恁的信來安慰恁，
3:3 免得有人互許個患難所搖動。因為恁家己知咱抵著這是本定著啲。
3:4 因為阮及恁佇啲的時，曾代先給恁講，咱會抵著患難，後來果然按呢，是恁所知。
3:5 所以，我既然𣍐閣牨得，就差人愛知恁的信怎樣，驚了彼個試的有所試恁，就阮的著磨歸佇空空。
3:6 總是今提摩太對恁遐來到阮遮，將恁的信及疼的好消息報阮知，閣講起恁常常數念阮，欣慕欲見著阮，親像阮愛見著恁一樣。
3:7 所以兄弟啊，阮佇一切窘迫患難的中間，對恁的信為著恁受安慰。
3:8 因為恁若徛在佇主，阮就活。
3:9 阮佇咱的上帝的面前，為著恁真歡喜，阮為著此個一切的歡喜，會用甚麼的感謝為著恁報答上帝啊？
3:10 阮暝日切切祈禱，愛見著恁的面，來補滿恁的信所無夠。
3:11 願咱的父上帝及咱的主耶穌引導阮平坦的路就近恁。
3:12 也願主互恁相疼，續疼眾人益發充滿，親像阮的疼恁；
3:13 致到堅固恁的心成聖，無通嫌，佇咱的父上帝的面前，佇咱的主耶穌及伊攏總的聖徒閣來的時。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。