上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歌羅西書
4:1 做主人的，恁著用義及公平款待恁的奴僕，因為知恁也有主佇天裡。
勸導
4:2 著常常專務祈禱，祈禱的時著警醒來感謝。
4:3 閣替阮祈禱，求上帝給阮開傳道理的門，通講基督的奧妙（我為著此個也受缚），
4:4 互我闡明伊照我所應該講的。
4:5 向許個外面人恁著佇智慧來行，著保惜機會。
4:6 恁的所講著常常用溫純，親像用鹽調和，就會曉得怎樣來應逐人。
最後的請安
4:7 我攏總的事推基古欲給恁講。伊是所疼的兄弟，佇主做忠信的差用，也同做奴僕的。
4:8 為著按呢我刁持差伊就近恁，互恁知阮的事，也互伊安慰恁的心。
4:9 也差阿尼西謀及伊去；伊就是忠信通疼的兄弟，也是恁遐的人。𪜶欲將此所在的事攏給恁講。
4:10 及我同關監的亞里達古，及巴拿巴的表小弟馬可請安恁。（論馬可，恁已經受著命令；伊若來就近恁，恁著接納伊。）
4:11 叫做猶士都的耶數，也請安恁。此幾人是屬割禮的，只有𪜶為著上帝的國及我同著磨，也是互我得著安慰的。
4:12 基督耶穌的奴僕以巴弗，就是恁遐的人，請安恁。伊佇祈禱的中間，常常為著恁出力，互恁徛在完全，滿心信服上帝一切的旨意。
4:13 我干證伊，為著恁及佇老底嘉以及希拉坡里的人有多多勞苦。
4:14 路加就是所疼的醫生及底馬請安恁。
4:15 請安𫢶佇老底嘉諸個兄弟以及寧法，及聚集佇𪜶的家的教會。
4:16 此個批已經讀佇恁中間，著設法互老底嘉人的教會，也讀伊；閣恁著讀對老底嘉來的批。
4:17 閣著給亞基布講：「著謹慎，來盡你佇主所受的職份。」
4:18 我保羅親筆請安恁。恁著數念我掛鐵鍊。願恩典及恁佇啲！
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。