上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歌羅西書
2:1 因為我愛恁知，我為著恁及許個住佇老底嘉的，以及見若佇肉體未曾見著我的面的，有怎樣爭戰；
2:2 通互𪜶的心受安慰，佇仁愛相結聯，對充滿的曉悟得著一切的富有，來深知上帝的奧妙，就是基督；
2:3 凡若智慧及知識的寶貝，攏囥佇伊。
2:4 我講按呢，免得人用奇巧的話來迷惑恁。
2:5 因為我肉體離開恁，神及恁佇啲，歡喜看見恁的整齊，以及恁信靠基督的堅固。
基督內生命的豐盛
2:6 所以恁既然接納主基督耶穌，就著照按呢𫢶佇伊來行，
2:7 已經釘根佇伊，就直直受起造，對信來堅固，照恁所曾受的教示，滿滿感謝。
2:8 著謹慎，免得互人用伊的哲學及空空的無影話來迷惑恁，照人的遺傳，照世間的小學，是照基督。
2:9 因為上帝性質的豐盛攏齊備𫢶佇伊，
2:10 恁𫢶佇伊也得著豐盛。伊是一切辦政事掌權者的頭。
2:11 𫢶佇伊恁也已經受割禮是用手來行的割禮，就是基督的割禮，褪去肉體的身軀。
2:12 已經佇洗禮及伊同埋葬，就佇此個洗禮也及伊同起來，是對信上帝的功用，就是對死人中互伊起來的。
2:13 閣恁前為著罪過及肉體的無割禮來死的，今上帝互恁及基督同復活，已經赦免咱攏總的罪過；
2:14 擦消攻擊咱諸個規例的字樣，就是對敵咱的，釘伊佇十字架，來對中間除伊。
2:15 既然敗許個辦政事的、掌權的，就公行顯明𪜶，佇十字架贏𪜶來大悅。
2:16 所以，莫得因為所食所飲的，抑是為著節期、初一，以及安息日的緣故，互人擬議。
2:17 諸個攏是將來的事的影；若是形就是基督的。
2:18 莫得互人搶恁的報賞，𪜶故意謙卑敬拜天使。倚靠𪜶所有看見的，照𪜶肉體的心志，干單啲肨風，
2:19 無連住佇彼個頭。全身是倚靠彼個頭，對諸個節及筋得著接應聯絡，照上帝所賞賜的長成來長成。
基督裡的新生活
2:20 恁若及基督同死，脫離世間的小學，怎樣愈親像活佇世間，來家己降服佇諸個規例，親像講
2:21 「莫得提著、莫得試食、莫得摸著」？
2:22 諸個物攏是用了會敗壞的，是照人的條規及教示。
2:23 諸個規例是互人行自專的敬拜，家己謙卑，無惜身軀，名是有智慧，其實攏無功效通約束肉體的放縱。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。