上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
加拉太書
4:1 今我講後嗣，雖然是全業的主，猶做囝仔的時及奴僕無各樣，
4:2 就是降服監督的及管家的，聽候老父所限定的期到。
4:3 親像按呢，咱做囝仔的時，也做奴僕，降服此世間的小學。
4:4 若是到彼個時已經滿，上帝差伊的子，對婦仁人來出世，出世佇律法下，
4:5 來贖回律法下的人，互咱受設立做子。
4:6 為著恁是做子，上帝差伊的子的神入咱的心，喉叫講：「阿爸！父啊！」
4:7 親像按呢，你是猶原做奴僕，就是做子；既然做子，就對上帝來做後嗣。
保羅關懷加拉太人
4:8 總是當時恁識上帝，做許個生成是上帝者的奴僕；
4:9 若是今已經識上帝，卡好著講互上帝所識，怎樣倒轉閣向許個軟茈空空的小學，就是恁所愛閣重再做𪜶的奴僕的啊？
4:10 恁致意守日、月、節、年。
4:11 我替恁真驚，驚了我所為著恁著磨的會空空。
4:12 兄弟啊，我求恁著親像我，因為我也親像恁。
4:13 恁攏未曾剋虧我。恁知我頭一擺傳福音互恁，是因為肉體的軟弱。
4:14 彼霎為著我的肉體恁有受試，猶久無看輕，也無厭賤，是接納我，親像上帝的天使，也親像基督耶穌一樣。
4:15 恁當時所歡喜的福氣佇叨落？因為我干證恁，設使會做得，恁就挖恁的目睭互我。
4:16 今我用真實給恁講，是成做恁的仇讎嗎？
4:17 𪜶及恁親熱，是好意，是愛隔斷恁，互恁及𪜶親熱。
4:18 獨獨佇好事，來常常互人及恁親熱的是好，若我及恁佇啲的時著按呢。
4:19 我的細子啊，我為恁閣受生產的艱苦，到基督的形狀成佇恁的心。
4:20 我愛此霎及恁佇啲，來換我的聲，因為我為著恁躊躇。
夏甲及撒拉的例
4:21 恁愛降服律法的，著給我講，恁豈無聽見律法嗎？
4:22 因為有記載講，亞伯拉罕有二個子，一個是女婢生的，一個是自由的生的。
4:23 若是彼個對女婢的是照肉體來生；彼個對自由的是對應允來生。
4:24 諸個攏有譬喻佇啲：因為彼二個婦仁人是做二個約。一個出佇西奈山，所生的做奴僕，就是夏甲。
4:25 此個夏甲是亞拉伯的西奈山，閣及現今的耶路撒冷像類，因為伊及伊諸個子做奴僕。
4:26 獨獨佇頂面的耶路撒冷是自由，是咱的老母。
4:27 因為有記載講：
你無懷孕、無生子的，著歡喜；
無有生產的艱苦的，著出大聲來叫；
因為家己住的婦仁人，比有丈夫的，伊的子猶卡多個。
4:28 兄弟啊，咱親像以撒，做應允的子。
4:29 若是親像當時照肉體來生的窘逐照神來生的，此霎也是按呢。
4:30 拘聖經講怎樣？「著趕出女婢及伊的子！因為女婢的子決斷𣍐通及自由者的子同承接業。」
4:31 兄弟啊，按呢咱是女婢的子，是自由者的子。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。