上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多後書
異象及啟示
12:1 雖然無利益，我不得不著誇口。我欲講起主的異象及啟示。
12:2 我識一人𫢶佇基督的，十四年前受帶到第三層天；（或是𫢶佇身軀，我知；或是無𫢶佇身軀，我也知；上帝知。）
12:3 我識一個親像此號的人（或是𫢶佇身軀，或是無佇身軀，我知，上帝知。）
12:4 伊受帶到樂園，聽見𣍐得通講的話，就是人所通講的。
12:5 我欲為著此號人誇口；若是為著家己，除我的軟弱以外，我無欲誇口。
12:6 我若愛欲誇口也是戇，因為我欲講真實；總是我家己約束，驚了人的評論我卡過頭佇伊所看見我，抑是伊對我所聽見的。
12:7 閣因為諸個啟示的極大，免得我過頭自高，所以互我肉體內有茦，就是撒但的使者來拍我，免得我過頭自高。
12:8 為著按呢，我三擺求主，互彼個離開我。
12:9 伊給我講：「有我的恩你就夠額，因為我的氣力是佇人的軟弱來成。」所以，我真歡喜卡愛誇口我諸個軟弱，互基督的氣力住佇我。
12:10 所以我為著基督，掠諸個軟弱、欠缺、窘逐、困迫做歡喜；因為我軟弱的時，反轉有氣力。
保羅關心哥林多教會
12:11 我成做戇，是恁迫著我。因為我合該著互恁謳咾。我雖然無甚麼佇啲，實在無卡輸許個上等的使徒。
12:12 使徒的證據，我果然用百般的吞愞，來行佇恁中間，就是諸個兆頭、神蹟，權能。
12:13 除去此項我無連累恁以外，恁猶有甚麼事值著其餘的教會？此個無公道的所在，請恁寬恕我。
12:14 今此個是我第三擺備辦便欲去恁遐，也無欲連累恁；我所憶著的就是恁，是恁的物。因為子兒應該給父母捏積，是父母給子兒捏積。
12:15 我真歡喜為著恁的靈魂來開費，也費盡家己的生命。總無我愈疼恁，愈少得著恁的疼嗎？
12:16 有人講我無拖倕恁，是我奇巧用詭譎的步數來提恁。
12:17 我所差去恁遐的人，其中我有曾用甚麼人𢬳恁啊？
12:18 我勸提多，也差一個兄弟及伊去。提多曾𢬳恁嗎？阮所行豈是同一個神？同一樣的腳步嗎？
12:19 恁到今，掠做阮對恁啲分訴；阮𫢶佇基督講話佇上帝的面前。所疼的兄弟啊，一切的事攏是為著建立恁。
12:20 因為我啲驚，驚了我來的時，豈採抵著恁無照我所愛，也恁抵著我照恁所愛；驚了有相爭、怨妒、受氣、結黨、誹謗、講尻脊後話、品嗙、紛亂諸個事。
12:21 也驚了我閣來的時，我的上帝互我佇恁的面前卑微，我也為著多多從前犯罪，也無反悔𪜶所行的污穢、姦淫、放蕩的人來憂悶。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。