上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多後書
5:1 因為阮知，阮佇地裡布棚的厝若毀壞，就有對上帝所起造，是人的手所造的厝，是永遠佇天裡的。
5:2 因為阮𫢶佇此個布棚啲吐氣，不止欣慕阮對天裡的厝，親像衫穿褡落去；
5:3 若得著穿，就免褪腹裼。
5:4 因為阮𫢶佇此個布棚的啲拖磨吐氣，是愛褪起來，是愛穿褡落去，致到彼個會死的互活吞落去。
5:5 今備辦阮得著此個的就是上帝，伊也用伊的神做定互咱。
5:6 所以，阮常常好膽，知阮𫢶佇身軀就是及主相離。
5:7 因為阮啲行是對信是對所看。
5:8 按呢阮好膽，也閣卡歡喜離開身軀及主相及𫢶。
5:9 所以，無論𫢶佇身軀，抑是離開身軀，阮所致意的，是互伊歡喜。
5:10 因為咱眾人的確著顯明佇基督的公座前，互逐人照伊對身軀所行的代誌，或是好或是歹來受報應。
勸人及上帝和好的職份
5:11 所以阮既然知主的通驚畏，就苦勸人。若是阮已經顯明佇上帝，我也向望有顯明佇恁的良心。
5:12 阮是閣家己對恁證明，就是互恁為著阮有通誇口的所在，通應許個照外貌無照內心誇口的人。
5:13 因為阮若狂，是為著上帝；若自在，是為著恁。
5:14 因為基督的疼痛催迫阮；是阮想，一人替眾人死，就是眾人死；
5:15 閣伊替眾人死，是欲互諸個活的人以後無為著家己來活，是為著替𪜶死來復活者。
5:16 所以，阮對今以後，無照肉體識人。雖然曾照肉體識基督，今以後無閣按呢識伊。
5:17 所以人若𫢶佇基督，就是做新創造的，舊的代誌已經過去，今攏變成新的。
5:18 閣萬項事攏是出佇上帝；伊對基督互咱及伊復和，也將此個勸人及上帝復和的職份互阮。
5:19 就是上帝𫢶佇基督，互世間及伊復和，無將𪜶的罪過歸佇𪜶，也將復和的道理交託阮。
5:20 按呢，阮為著基督做欽差，親像上帝用阮勸恁。阮為著基督求恁及上帝復和。
5:21 上帝互彼個無罪的，替咱成做罪，是欲互咱𫢶佇伊來成做上帝的義。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。