上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多後書
2:1 我曾家己決斷無閣用憂悶就近恁。
2:2 因為我若互恁憂悶，就我所互伊憂悶的以外，是誰互我歡喜啊？
2:3 前我寫彼個互恁，免得我來的時，所應該互我歡喜的，反轉互我憂悶。因為我深信，恁眾人攏掠我的歡喜做恁眾人的。
2:4 前我心內苦痛迫切，流多多目屎，寫批互恁，是欲互恁憂悶，是欲互恁知我的疼恁是真大。
赦免犯過失的人
2:5 若有互人憂悶的，伊是互我憂悶若定，也大略是互恁眾人憂悶。免得我責備甚重。
2:6 親像此號人對許多人所受的責罰已經夠額，
2:7 所以反轉值著赦免伊，安慰伊，驚了彼號人憂悶過頭致到絕望。
2:8 所以我勸恁，用實實的憑據對伊顯明恁的仁愛。
2:9 因為按呢我也曾寫批來試驗恁，看恁凡事順趁抑無。
2:10 恁赦免人甚麼，我也赦免伊。因為我所有赦免的，若有赦免甚麼，是為著恁佇基督的面前來赦免的，
2:11 免得咱互撒但卡偏頭去，因為咱是知伊的計謀。
保羅的憂愁及安慰
2:12 前我為著基督的福音到特羅亞，主也給我開門。
2:13 若是無抵著我的兄弟提多，所以我的心神無平安，就離別𪜶去馬其頓。
2:14 今感謝上帝！常常佇基督得勝，來做頭導阮也用阮佇逐所在顯明彼個對識基督才有的氣味。
2:15 因為對佇上帝，阮佇得救的人的中間以及沈淪的人的中間，做基督的芳味。
2:16 對諸個人，是做對死致到死的味；對許個，是做活致到活的味。諸個事是誰會堪得當？
2:17 因為阮無親像多多人，混雜上帝的道理；就是用誠實對上帝，佇上帝的面前𫢶佇基督來講。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。