上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
祭司獻補過失的祭的責任
7:1 「補過失的祭的規例就是按呢：此個是至聖的。
7:2 佇刣燒祭的所在，也著佇遐刣補過失的祭；伊的血，著灑佇壇裡的四圍。
7:3 伊的油著攏獻彼個肥的尾及蓋臟腑的油，
7:4 二粒腰子及𪜶所有的油，就是倚近腰雙旁的油，及肝裡的網紗及腰子，一概提起來。
7:5 祭司著佇壇頂燒伊，做獻互耶和華的火祭，是補過失的祭。
7:6 祭司中的查甫丁攏著食伊；佇聖的所在食，這是至聖的。
7:7 贖罪祭甚麼款，補過失的祭也是按呢，𪜶的規例是一樣。用彼個來贖罪的祭司就得著此個物。
7:8 祭司給人獻燒祭，就伊所獻燒祭的精牲的皮歸佇祭司本身。
7:9 見若佇火爐煏的素祭及佇鼎仔，佇煎盤備辦的，攏著歸佇獻彼個祭的祭司。
7:10 見若素祭，無論是參油的抑是乾的，攏著歸亞倫的子孫，大家平分。」
祭司獻平安祭的責任
7:11 「人獻謝恩祭互耶和華彼個規例就是按呢：
7:12 伊若為著感謝來獻，就著用調和油的無酵餅及抹油無酵的薄餅，以及摶互伊齊的麵粉用油調和做的餅，及感謝的祭相及來獻。
7:13 著用有酵的餅，及為著感謝來獻的謝恩祭，及伊的禮物相及來獻。
7:14 著對逐項禮物的中間，提一項獻互耶和華做舉祭，這著歸佇灑謝恩祭的血的祭司。
7:15 為著感謝來獻的謝恩祭的肉，著佇獻禮物的日食伊，一點仔通留到天光。
7:16 若伊所獻的禮物是為著謝願，抑是甘心獻的，著佇伊獻祭的日食伊，所剩的明仔日通食伊。
7:17 獨獨所剩的祭肉，到第三日著用火燒；
7:18 到第三日若食謝恩祭的肉，此個祭無得著接納，也無給獻的算額，反轉是做通厭惡的，食伊的人，就著擔當伊的罪。
7:19 「祭肉若磕著無清氣的物就通食，著用火燒。論到祭的肉，見若清氣的人攏通食伊；
7:20 獨獨屬佇耶和華謝恩祭的肉，人若身軀染著無清氣來食伊，此個人著對伊的百姓中剪除去。
7:21 有人摸著甚麼無清氣的物，或是人的無清氣，或是無清氣的精牲，或是無清氣可惡的物，來食著屬佇耶和華謝恩祭的肉，此個人著對伊的百姓中剪除去。」
7:22 耶和華吩咐摩西講：
7:23 「你著吩咐以色列人講：無論是牛，抑是綿羊，抑是山羊的油，恁攏通食伊。
7:24 家己死者的油及互野獸拆者的油，通做別物的路用，獨獨恁千萬通食。
7:25 會通獻互耶和華做火祭的精牲的油，見若食伊的人，彼個人著對伊的百姓中剪除去。
7:26 佇恁一切所徛起的所在，無論是鳥抑是野獸的血，恁攏通食伊。
7:27 無論甚麼人食甚麼血，彼人著對伊的百姓中剪除去。」
7:28 耶和華吩咐摩西講：
7:29 「你著吩咐以色列人講：見若獻謝恩祭互耶和華的，著對伊的謝恩祭中帶伊的禮物來互耶和華。
7:30 伊著親手帶獻互耶和華的火祭來，就是帶油及胸來，通用胸佇耶和華的面前做搖祭，來搖伊。
7:31 祭司著將油燒佇壇頂，獨獨胸著歸佇亞倫及伊的子孫。
7:32 恁著對恁謝恩祭將正腿做舉祭，歸互祭司。
7:33 亞倫的子孫中，獻謝恩祭的血及油的，著得著此個正腿做𪜶的份額；
7:34 因為我對以色列人謝恩祭的中間，取此個搖的胸及舉起的腿互祭司亞倫及伊的子孫，做𪜶對以色列人所永遠得著的份額。」
7:35 這是對耶和華火祭中，提出做亞倫受抹油的份額及伊的子孫受抹油的份額，佇伊導𪜶來當祭司的職服事耶和華的日，
7:36 就是伊給𪜶抹油的日，耶和華吩咐以色列人供給𪜶的。做𪜶逐世代永遠得著的份額。
7:37 這是燒祭、素祭、贖罪祭、補過失的祭、設立聖職的祭，及謝恩祭的規例，
7:38 攏是耶和華佇西奈山所命令摩西的，就是伊佇西奈曠野命令以色列人獻禮物互耶和華的日。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。