上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
祭過偶像的食物
8:1 論到祭偶像的物，咱知咱攏有智識。智識會致到自高，若是仁愛會建立德行。
8:2 人若拍算伊有所知，就是伊猶未知照所應該知。
8:3 人若疼上帝，此個人就是互伊所識。
8:4 論到食祭偶像的物，咱知偶像佇世間是無影的，也知上帝獨獨一個，無別個。
8:5 因為雖然有稱做上帝的，或是佇天裡，或是佇地裡，親像有多多上帝，多多主；
8:6 若是咱只有一個上帝，就是父──萬物本對伊；咱也歸佇伊──閣有一個主，耶穌基督──萬物對伊；咱也對伊。
8:7 總是人無攏有此號智識。有的拜偶像慣勢，到今掠彼個祭祀做祭偶像的物來食伊。𪜶的良心既然軟弱，所以就染著。
8:8 總是食物𣍐互上帝歡喜咱，無食，咱無虧損，食，咱也無利益。
8:9 獨獨著謹慎，驚了恁此個權做軟茈的人的塞礙。
8:10 因為若有人看見你有智識的，坐桌佇偶像的廟，彼個軟弱的人的良心，豈無對按呢放膽來食祭偶像的物嗎？
8:11 因為，對你的智識彼個軟弱的人沈淪，就是基督替伊死的兄弟。
8:12 恁按呢得罪兄弟，傷著𪜶軟弱的良心，就是得罪基督。
8:13 所以，食物若互我的兄弟跋倒，我就永永食肉，免得互我的兄弟跋倒。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。