上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
佇無信主的人的面前求審判
6:1 恁中間有人及人冤家，豈敢告佇不義的人的面前，也無佇聖徒的面前嗎？
6:2 抑是恁知聖徒欲審判世間？世間尚且互恁審判，也𣍐堪得審判極小可的事嗎？
6:3 豈知咱欲審判天使？何況今世的事嗎？
6:4 今恁若有今世的事著審判，恁豈是用教會中無名字的審判嗎？
6:5 我講按呢是欲互恁見誚。豈是恁中間無一個智識的人會判斷佇伊的兄弟中？
6:6 竟然兄弟告兄弟，續告佇信的人的面前。
6:7 今恁有相告的事，已經攏是恁的大失錯。啥事寧可受冤枉？啥事寧可受剋虧啊？
6:8 若是恁竟然冤枉人、剋虧人，況兼諸個是兄弟。
6:9 豈知不義的人𣍐會承接上帝的國嗎？莫得錯誤！淫亂的、拜偶像的、行姦淫的、做孌童的、好男色的、
6:10 做賊的、貪心的、好酒的、詈罵人的、勒索人的，攏𣍐得著承接上帝的國。
6:11 恁中間有人早是按呢；若是佇主耶穌基督的名，及咱的上帝的神，已經洗清，已經得著成聖，已經稱做義。
佇身上榮耀上帝
6:12 凡事我攏通，若是無一盡有利益。凡事我攏通，若是無一項，我欲互伊管。
6:13 食是為著腹肚，腹肚也是為著食；總是此二項上帝欲廢伊。獨獨身軀是為著淫亂，是為著主；主也是為著身軀。
6:14 上帝曾互主復活，也欲對伊的權能互咱復活。
6:15 豈知恁的身軀是基督的百體？我豈通將基督的百體互伊做娼妓的百體嗎？斷斷通！
6:16 抑是恁知及娼妓聯合的，是及伊做一體？因為講：「二個欲成做一體。」
6:17 獨獨及主聯合的，是一個神。
6:18 著閃避淫行。人所犯，逐項的罪，攏是身軀外的，若是行姦淫的，是犯罪到佇家己的身軀。
6:19 抑是恁知恁的身軀就是聖神的殿？聖神𫢶佇恁，就是恁對上帝所有的；閣恁是家己的，
6:20 因為是用價錢買的。所以，著佇恁的身軀榮光上帝。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。