上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
羅馬書
以色列所留的百姓
11:1 我就講，上帝豈有棄拺伊的百姓啊？斷斷是。因為我也是以色列人，出佇亞伯拉罕的後裔，便雅憫的支派。
11:2 上帝未曾棄拺伊所代先知的百姓。抑是恁知聖經佇以利亞彼站所記載啊？伊有怎樣對上帝告以色列人講：
11:3 「主啊，𪜶有刣死你的先知，掘倒你諸個祭壇，只有留我佇啲，𪜶也欲揲我的生命。」
11:4 總是上帝有應伊怎樣啊？是講：「我為著家己有留七千人，未曾跪拜巴力的。」
11:5 現今也按呢猶有所留啲，就是照恩典來揀選的。
11:6 總是若照恩典，就無閣對所行；若無，就恩典是恩典。
11:7 按呢就怎樣？以色列所求的，伊竟然無得著，獨獨受揀的有得著；其餘的就變硬心。
11:8 照所記載講：
上帝互𪜶昏迷的心，
𣍐看見的目睭，
𣍐聽見的耳孔，
到佇今仔日。
11:9 大衛也講：
互𪜶的筵桌成做活罩，做羅網，
做塞礙，做報應佇𪜶。
11:10 互𪜶的目睭花，𣍐會看見，
𪜶的尻脊常常痀痀。
外邦人得救
11:11 按呢我就講，𪜶已經著觸，是致到𪜶跋倒嗎？斷斷是！反轉對𪜶的犯罪，拯救就到佇外邦，欲激起𪜶的奮志。
11:12 今𪜶的犯罪，若做世間的富有，𪜶的衰退若做外邦的富有，何況𪜶的充滿？
11:13 我是對恁外邦人講；因為我是外邦人的使徒，我榮光我的職，
11:14 看會通激起我骨肉親的奮志，來救𪜶中間幾若人
11:15 因為𪜶的受棄拺，若做世間的復和；就𪜶的受接納，是對死來活是甚麼啊？
11:16 起頭獻的麵若是聖，就歸甑也是聖；根若是聖，就枝也是聖。
11:17 諸個枝若有的遏起來，也你本是山橄欖得著接佇𪜶中間，相及份佇橄欖的根及肥汁，
11:18 你就通對枝來誇口；你若誇口，就是根倚靠你，是你倚靠根。
11:19 按呢你欲講，枝遏起來欲互我接落來。
11:20 著！𪜶對信才遏起來，你對信才徛住；心莫得自高，著驚惶。
11:21 因為上帝若無保惜順性的枝，也欲無保惜你。
11:22 著看上帝的慈悲及嚴謹，款待許個跋倒的是嚴謹，若是款待你是上帝的慈悲；總是你著長長𫢶佇伊的慈悲，若無，也欲給你割起來。
11:23 閣𪜶若是長長𫢶佇信，也欲得著接，因為上帝會閣接𪜶。
11:24 因為你若對彼個順性做山橄欖的既然割起來，逆性來接佇好的橄欖，何況許個順性的枝欲接佇本舊的橄欖啊！
以色列人的復興
11:25 兄弟啊，我愛恁知此個奧妙（免得恁家己掠做智慧），就是以色列中有的成做硬心，聽候外邦滿滿進入，
11:26 按呢通以色列欲攏得救，照所記載講：
欲有救主對郇城出，
解除雅各的不虔；
11:27 閣我除去𪜶的罪的時，
這就是我及𪜶所立的約。
11:28 照福音，就𪜶為著恁來做仇讎；照揀選，就𪜶為著列祖來得著疼。
11:29 因為上帝的恩賜及召人攏無退悔。
11:30 是親像恁前無順服上帝，若是今對𪜶的無順服，恁得著憐憫。
11:31 按呢𪜶今無順服，通對恁的得著憐憫，互𪜶亦得著憐憫。
11:32 因為上帝已經圍萬人佇無順服的中間，刁持欲憐憫萬人。
11:33 深沈啊！上帝的智慧及見識的富有啊！
伊的判斷𣍐測𢜬得！
伊的路途追尋𣍐著！
11:34 是誰知主的心志？
是誰及伊參議？
11:35 是誰代先互伊，致到互伊報答？
11:36 因為萬物攏出佇伊，
倚靠伊，歸佇伊。
願伊榮光到代代。阿們。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。