上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
羅馬書
佇聖神內面的生活
8:1 所以，許個𫢶佇基督耶穌的，今攏無定罪。
8:2 因為活命的神的法，佇基督耶穌已經解放我脫離罪及死的法。
8:3 因為律法所𣍐會的，是對肉體才無力，上帝就差家己的子，佇有罪的肉體的形狀，閣為著罪的緣故，佇肉體中來擬定罪惡，
8:4 互律法的義佇咱會得滿足，就是無照肉體、是照神來行的。
8:5 因為照肉體的，意向肉體的事，照神的，意向神的事。
8:6 因為肉體的意向，是死；神的意向，是活閣平安。
8:7 因為肉體的意向，是對敵上帝；因為伊無降服上帝的律法，也𣍐會降服，
8:8 閣𫢶佇肉體的，𣍐會互上帝歡喜。
8:9 獨獨上帝的神若徛起佇恁，就恁無𫢶佇肉體，是𫢶佇神。無有基督的神的，是伊的人。
8:10 基督若𫢶佇恁，就恁的身軀因為罪死，神因為義活。
8:11 獨獨互耶穌對死人中復活的，伊的神若徛起佇恁，就互基督耶穌對死人中復活的，也欲將伊的神就是徛起佇恁的，互恁會死的身軀復活。
8:12 按呢，兄弟啊，咱是欠肉體的債致到照肉體來活。
8:13 因為恁若照肉體來活，就會死；若用神拍死身軀的所做，就會活。
8:14 凡若互上帝的神所導的，是做上帝的子。
8:15 因為恁是受著奴僕的神，致到閣驚惶；就是受著設立做子的神，對按呢咱叫講：「阿爸！父啊！」
8:16 聖神家己及咱的神相及干證咱做上帝的子；
8:17 既然做子就做後嗣，就是做上帝的後嗣，及基督同做後嗣。咱若及伊同受苦，是欲互咱及伊同榮光。
將來的榮光
8:18 因為我算現時的艱苦𣍐堪得比並所欲顯明到佇咱的榮光。
8:19 因為受造的物攑頭向望，啲聽候上帝眾子的顯明。
8:20 因為受造的物降服佇空虛，是伊甘願，就是對彼個互伊降服的。
8:21 是啲向望連受造的物也欲得著解放脫離敗壞的拘束，來入佇上帝的子兒榮光的自由。
8:22 因為咱知一切受造的物到此時猶啲相及吐氣、苦痛。
8:23 若按呢，就咱本身得著聖神頭水的果子的，也心內家己吐氣，啲聽候設立做子，就是咱的身軀的贖回。
8:24 因為咱得救是對向望；若是已經看見的向望是向望，因為所看見的甚麼人啲向望伊？
8:25 獨獨咱若向望彼個所無看見的，咱就吞愞聽候。
8:26 閣聖神也親像按呢扶持咱的軟茈，因為咱知影著怎樣祈禱照所應該的，獨獨聖神家己用𣍐講出的吐氣替咱求。
8:27 鑑察人的心的，也知聖神的意思，因為伊照上帝的意思來替聖徒求。
8:28 閣咱知萬項事相及來互疼上帝的人得著利益，就是照伊定著的旨意來受召者。
8:29 因為伊所代先知的，就代先定著𪜶及伊的子的像同款，互伊佇多多兄弟的中間做大子。
8:30 閣所代先定著的就召𪜶；所召的就稱𪜶做義，所稱做義者，就互𪜶有榮光。
上帝的疼
8:31 論到諸個事咱欲怎樣講？上帝若為咱，是誰會對敵咱？
8:32 伊既然無惜家己的子，為著咱眾人獻伊，豈無續將萬物白白互咱嗎？
8:33 是誰欲告上帝所揀的百姓啊？稱𪜶做義的是上帝。
8:34 是誰定𪜶的罪啊？基督耶穌已經死，尚且對死人中閣起來，坐佇上帝的大旁，也替咱祈禱。
8:35 是誰欲隔斷咱佇基督的疼？或是患難？或是困苦？或是窘逐？或是枵餓？或是褪裼？或是危險？或是利刀啊？
8:36 親像所記載講：
阮為著你的緣故終日受死；
看做親像欲刣的羊。
8:37 反轉佇諸個攏總的事，咱對疼咱者得勝到有剩。
8:38 因為我深信無論是死，是活，是天使，是掌權的，是現今的，是將來的，有權能的，
8:39 是高，是深，抑是別個受造的物，攏𣍐會隔斷咱佇上帝的疼；就是佇咱的主基督耶穌所有的疼。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。