上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
羅馬書
因信稱義的福氣
5:1 所以咱已經對信稱做義，就對咱的主耶穌基督有及上帝和。
5:2 也倚靠伊，對信來入佇現今所帶的恩典，閣向望上帝的榮光來歡歡喜喜。
5:3 若按呢，就佇患難也歡歡喜喜；因為知患難生出吞愞，
5:4 吞愞生出老練，老練生出向望；
5:5 也向望無致到見誚，因為上帝的疼對所賞賜咱的聖神來灌沃咱的心。
5:6 因為咱猶久軟弱的時，基督到期替有罪的人死。
5:7 因為替義人死的，得有；替好人死的，豈採有人敢。
5:8 若是上帝顯明伊本身疼咱的疼痛，因為咱猶久做罪人的時，基督替咱死。
5:9 何況咱已經佇伊的血得著稱做義欲對伊得著救，免得彼個受氣啊。
5:10 若咱猶久做對敵的時，對伊的子的死，得著及上帝復和；何況已經復和，欲佇伊的活得著救啊！
5:11 若按呢，咱現今已經對咱的主耶穌基督得著復和，就對伊也掠上帝做通誇口。
亞當及基督
5:12 所以親像罪對一人入世間，死也對罪入；按呢死遍遍到佇眾人，因為眾人曾犯罪。
5:13 因為律法未到的時，罪已經佇世間；獨獨無律法佇啲，罪就無算數。
5:14 總是對亞當到摩西，連許個無犯罪親像亞當犯著禁令的款的，死也攏管轄𪜶。亞當是隨後到者的相對。
5:15 若是罪過不比恩賜，因為若對一人的罪過，眾人死，何況上帝的恩典，及佇耶穌基督一人恩典中的賞賜，充滿佇眾人啊？
5:16 閣對一人的犯罪，也不比恩賜，因為審判是對一人致到定罪，若是恩賜是對多多罪過致到斷做義。
5:17 因為若為著一人的罪過，死就對一人做王，何況許個受恩典及義的賞賜的充滿的，欲對耶穌基督一個佇活的中間做王啊？
5:18 按呢，親像對一擺的罪過，有致到眾人受定罪；就對一擺義的所行，也致到眾人受擬斷得著活。
5:19 因為親像對一人的違逆，互眾人做有罪的；就對一人的順趁，互眾人做有義的，也是按呢。
5:20 閣加參律法落去，欲互罪過加添多多；總是罪過多多，就恩典佇遐益發充滿。
5:21 就是親像罪曾做王佇死的中間；也欲互恩典親像按呢對義來做王，致到永活，是對咱的主耶穌基督。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。