上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
醫好軟腳的人
3:1 三點鐘祈禱的時，彼得及約翰上殿。
3:2 有一人，對出世就軟腳，逐日互人扛來，下佇殿門（就是彼個叫做媠的門），欲求入殿的人捨施。
3:3 看見彼得、約翰啲欲入殿，就求捨施。
3:4 彼得及約翰注目看伊，講：「看阮！」
3:5 伊就注神看𪜶，向望對𪜶有所得著。
3:6 若是彼得講：「金銀我攏無，獨獨我所有的互你：佇拿撒勒耶穌基督的名，你起來行！」
3:7 就牽伊的正手，互伊起來；伊的腳及腳目連鞭勇健，
3:8 就跳起來，徛啲，閣行，及𪜶入殿，亦行，亦跳，亦謳咾上帝。
3:9 眾百姓看見伊啲行、啲謳咾上帝；
3:10 閣認得伊是平素坐佇殿的媠門求捨施的，就因為伊所抵著的事，滿心奇怪、卬愕。
彼得佇所羅門兩廊講信息
3:11 彼人牽彼得、約翰的時，眾百姓大奇怪，一齊走來就近𪜶，佇彼個名叫所羅門的兩廊。
3:12 彼得看見，就對百姓講：「以色列人啊，啥事掠此個做奇怪？啥事注目看阮，那親像阮用家己的才能抑是敬虔互伊行？
3:13 亞伯拉罕、以撒、雅各的上帝，就是咱列祖的上帝，已經榮光伊的奴僕耶穌；就是恁諸個所送交的。閣佇彼拉多的面前，當伊擬欲放伊的時，恁閣認伊。
3:14 按呢恁認彼個聖閣義者，反轉求伊用一個兇犯互恁。
3:15 恁害死活命的人君，就是上帝對死人中互伊復活者；阮諸個做伊的干證。
3:16 因為信伊的名，就伊的名互此個恁所看所識的人勇健；是彼個對伊來的信，互伊齊全好佇恁眾人的面前。
3:17 兄弟啊，今我知恁按呢行是對知影，恁的官府也是按呢。
3:18 獨獨上帝用眾先知的嘴，讖語伊的基督所欲受的害，伊有按呢應驗伊。
3:19 所以，恁著反悔來越轉頭，互恁的罪會得擦消，互安樂的日期會對主的面前來；
3:20 閣主欲差為著恁代先定著的基督，就是耶穌。
3:21 天的確著接納伊，到萬物復倒的時，就是上帝對創世以來、用伊聖先知的嘴所講的。
3:22 摩西曾講：『主──上帝欲佇恁兄弟的中間給恁逞起一個先知親像我，凡若伊所給恁講，恁著聽伊。
3:23 凡若聽此個先知的，欲對百姓的中間一盡滅伊。』
3:24 閣諸個先知對撒母耳以來，見有講的，攏是傳報諸個日。
3:25 恁是先知的子孫，承接上帝及恁列祖所立的約，就是給亞伯拉罕講：『天下萬族欲佇你的後裔得著福氣。』
3:26 上帝已經逞起伊的奴僕，差伊來代先賜福互恁，就是互恁逐人越轉，離開恁的歹。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。