上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰福音
耶穌受掠
18:1 ( 太 26:47-56 可 14:43-50 路 22:47-53 )
諸個話講了，耶穌及學生出去，過汲淪溪。佇遐有園，耶穌及伊的學生入去。
18:2 賣伊的猶大亦識彼個所在，因為耶穌及伊的學生沓沓聚集佇遐。
18:3 猶大已經領一隊兵，及諸個祭司頭以及法利賽人的差役，攑燈、及火把、及家私，來到遐。
18:4 耶穌知伊所欲抵著一切的事，就出去給𪜶講：「恁尋是誰？」
18:5 應講：「拿撒勒人耶穌。」耶穌給𪜶講：「我就是！」賣伊的猶大亦及𪜶相及啲徛。
18:6 耶穌一下給𪜶講「我就是」，𪜶就倒退跋倒佇地裡。
18:7 所以閣問𪜶：「恁尋是誰？」應講：「拿撒勒人耶穌。」
18:8 耶穌應講：「我已經給恁講，我就是。恁若尋我，著容允諸個人去。」
18:9 這是互伊前所講的話應驗，講：「你所互我的人，我無失落一個。」
18:10 西門‧彼得有刀，拔起來刜祭司頭的奴僕，削去伊的正耳；奴僕的名叫馬勒古。
18:11 耶穌就給彼得講：「收你的刀入鞘，父所互我的杯，我豈無欲飲嗎？」
耶穌受掠到亞那面前
18:12 對按呢兵隊及千總，以及猶太人的差役掠耶穌，縛伊，
18:13 代先帶伊去見亞那，因為伊是彼年的祭司頭該亞法的丈人。
18:14 前替猶太人打算講「一人為著百姓死是有利益的」就是此個該亞法。
彼得認主
18:15 西門‧彼得隨耶穌，閣有一個學生隨伊。此個學生是祭司頭所識的，就及耶穌入祭司頭的院。
18:16 若是彼得徛佇門外。所以彼個學生就是祭司頭所識的，出去及顧門的查某人講，就導彼得入去。
18:17 顧門的女婢給彼得講：「你亦敢是此人的學生噢？」伊講：「是。」
18:18 諸個奴僕及差役因為寒，將炭起火，徛啲烘燒；彼得亦及𪜶徛啲烘。
祭司頭問耶穌
18:19 ( 太 26:59-66 可 14:55-64 路 22:66-71 )
祭司頭就問耶穌論伊的學生及伊的教示。
18:20 耶穌應講：「我是顯然對世間人講。我常常佇會堂及殿裡教示，就是猶太人攏聚集的所在；佇隱密的所在我未曾講甚麼。
18:21 啥事問我？通問聽的人，看我及𪜶講怎樣；𪜶知，我所講。」
18:22 講息，邊仔啲徛一個差役搧耶穌，講：「你應祭司頭按呢嗎？」
18:23 耶穌應伊講：「我若講著，通指正彼個著；若著，啥事拍我？」
18:24 耶穌猶原受縛，亞那差伊到祭司頭該亞法的所在。
彼得閣一擺認耶穌
18:25 ( 太 26:71-75 可 14:69-72 路 22:59-62 )
彼時西門‧彼得徛啲烘火，就有人給伊講：「你亦敢是伊的學生嚄？」伊認，講：「是。」
18:26 有一個祭司頭的奴僕，是互彼得削耳仔者的親人，講：「我豈無看見你及伊佇園內嗎？」
18:27 彼得閣無認。雞隨時啼。
耶穌佇彼拉多面前受審
18:28 ( 太 27:1-2,11-14 可 15:1-5 路 23:1-5 )
𪜶就帶耶穌對該亞法的所在到公堂，彼霎天昲光。𪜶家己無入公堂，免得染著垃墋，才通食𨃟過節。
18:29 所以彼拉多出來外面，就近𪜶，講：「恁告此人甚麼案件？」
18:30 應講：「此人若是歹人，阮就無將伊交互你。」
18:31 彼拉多就給𪜶講：「恁家己帶去，照恁的律法去辦伊。」猶太人給伊講：「阮無刣人的權。」
18:32 這是欲應驗耶穌前所講的話，指明伊欲甚麼款來死。
18:33 彼拉多閣入公堂，召耶穌來給伊講：「你是猶太人的王嗎？」
18:34 耶穌應講：「你講此個話是對你家己，抑是別人將我的事給你講啊？」
18:35 彼拉多應講：「我豈是猶太人嗎？你本國的人及諸個祭司頭將你交互我。你果然怎樣做啊？」
18:36 耶穌應講：「我的國是屬此世間；我的國若屬此世間，就我的差用的確爭戰，免得我交互猶太人。若是今我的國是對遮出。」
18:37 彼拉多就給伊講：「按呢，恁是王嗎？」耶穌應講：「你講我是王。我為著按呢出世，為著按呢臨到世間，欲替真理做干證。凡若屬真理的人聽我的聲」。
18:38 彼拉多講：「真理是甚麼？」
耶穌受判死刑
( 太 27:1-2,11-14 可 15:1-5 路23:1-5 )
講息，閣出去就近猶太人，給𪜶講：「我看伊無罪。
18:39 ( 太 27:15-31 可 15:6-20 路 23:13-25 )
總是恁有例，到𨃟過節我著放一個監犯互恁，恁愛我放猶太人的王互恁嗎？」
18:40 𪜶閣大聲喉叫講：「通此個，是著巴拉巴！」此個巴拉巴是土匪。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。