上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰福音
佇伯大尼受抹油
12:1 ( 太 26:6-13 可 14:3-9 )
所以耶穌佇𨃟過節前六日，到伯大尼，就是拉撒路所住的所在，伊是耶穌對死人中互伊復活的。
12:2 𪜶就佇遐為著耶穌備辦下昏頓；馬大啲伺候，拉撒路亦是同桌的一個。
12:3 馬利亞就提一斤極貴氣真的哪噠香油，抹耶穌的腳，閣用家己的頭毛拭伊的腳，香油的芳滿厝。
12:4 有伊的學生一個，欲賣伊的，就是加略人猶大，
12:5 講：「啥事將此個膏油賣銀仔三百個來互喪鄉人啊？」
12:6 伊講按呢，是因為伊關心佇喪鄉人，是因為伊是賊，閣管錢袋，偷提所下的若定。
12:7 耶穌就講：「出在伊！將此個留啲到我埋葬的日。
12:8 因為常常有喪鄉人及恁佇啲，若是我無常常及恁佇啲。」
刣死拉撒路的陰謀
12:9 猶太的百姓多多知耶穌佇遐，就來，若因為耶穌的緣故，亦愛欲看伊，所互伊對死人中復活的拉撒路。
12:10 獨獨諸個祭司頭計謀欲續刣死拉撒路；
12:11 因為猶太人多多為著伊的緣故，去信耶穌。
榮光進入耶路撒冷
12:12 ( 太 21:1-11 可 11:1-11 路 19:28-40 )
隔日，有多多赴節的人已經聽見耶穌欲到耶路撒冷，
12:13 就攑棕樹枝出去迎接伊，叫講：
和散那！
奉主的名來的就是以色列的王，
願伊得著謳咾！
12:14 耶穌得著一隻細隻驢，騎伊，親像聖經所記：
12:15 郇城的查某子啊，莫得驚！
你的王來啦，騎驢仔子！
12:16 學生起頭𣍐明諸個事，到耶穌已經得著榮光的時才記得有記載諸個事指伊，亦人果然對伊行諸個事。
12:17 當耶穌叫拉撒路出墓，互伊對死人中復活的時，及伊佇啲的眾人做干證。
12:18 對按呢眾人去迎接伊，因為聽見伊有行此個神蹟。
12:19 法利賽人相及講：「可見恁攏無採工，恁看通世間攏去隨伊啦。」
希利尼人求見耶穌
12:20 當節期上來敬拜的，中間有幾若個希利尼人。
12:21 𪜶就近加利利的伯賽大人腓力，求伊講：「先生啊，阮愛見耶穌。」
12:22 腓力來給安得烈講，安得烈及腓力來給耶穌講。
12:23 耶穌應講：「人子得著榮光的時到啦。
12:24 我實實給恁講，一粒麥無落佇地裡來死，就猶原一粒若定，死，就結實多多。
12:25 疼家己的生命的，就喪失伊；怨恨家己的生命佇此世間的，的確保伊到永活。
12:26 人若服事我，就著隨我；我所佇啲的所在，服事我的人亦欲佇遐；人若服事我，我的父欲對重伊。」
人子欲受舉起
12:27 「今我的心大迫腹，欲怎樣講？父啊，救我出此個時；總是我為著此個才到佇此時。
12:28 父啊，願你榮顯你的名！」就對天有聲，講：「我已經榮顯，欲閣再榮顯伊。」
12:29 徛佇邊仔的眾人聽見，就講：「是雷鳴。」有人講：「是天使給伊講話。」
12:30 耶穌應講：「此個聲來是為著我，就是為著恁。
12:31 佇此霎此世間受審判，佇此霎此世間的人君欲受趕逐。
12:32 我若受舉起離開地，就欲引導眾人就近我。」
12:33 伊講此個話，是指伊欲甚麼款來死。
12:34 眾人就應伊講：「阮聽見律法有講，基督永永佇啲，你怎樣講『人子著受舉起』？此個人子是是誰啊？」
12:35 耶穌就給𪜶講：「光佇恁的中間猶有霎仔久的時，恁有光的時，就著行，免得暗到佇恁；彼個行佇暗的，伊知行到叨落。
12:36 恁有光的時，就著信光，互恁成做光明的人。」
猶太人的信
耶穌講諸個話，就離開𪜶家己隱密。
12:37 雖然佇𪜶的面前行即多神蹟，𪜶猶原信伊。
12:38 這是欲應驗先知以賽亞的話，講：
主啊，阮所傳互人聽是誰信啊？
主手骨的力對是誰顯明啊？
12:39 所以𪜶𣍐信，因為以賽亞閣有講：
12:40 主互𪜶的目睭睛瞑，
心硬，
免得𪜶用目睭看見，
用心曉悟，越倒轉，
就我醫好𪜶。
12:41 以賽亞講諸個，因為看見伊的榮光來論到伊。
12:42 雖然按呢，𪜶的序大卻有多多信伊，為著法利賽人才無認伊，免得革出會堂。
12:43 因為𪜶意愛對人來的榮光卡過頭對上帝來的榮光。
耶穌的話欲審判人
12:44 耶穌叫講：「信我的人，是信我，就是信差我的。
12:45 看見我的，就是看見差我的。
12:46 我就是光，來入世間，互見若信我的人，無徛起佇暗。
12:47 人若聽我的話亦守，我無審判伊。因為我來是欲審判世間，是欲救世間。
12:48 棄拺我、亦接納我的話的人，就有審判伊的──就是我所講的道理欲佇末日審判伊。
12:49 因為我所講是出佇家己，就是差我的父，伊有命令我，著傳甚麼，講甚麼。
12:50 我知伊的命令是永活。所以，我所講的是照父所傳互我的來講伊。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。