上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
用柏香樹譬喻埃及
31:1 十一年三月初一，耶和華的話臨到我講：
31:2 「人子啊，你著對埃及王法老以及伊的眾人講：
你許大塊是親像是誰？
31:3 看啊，亞述曾做黎巴嫩的柏香樹，
枝椏真媠，蔭影親像樹林，
樹身高大，枝尾伸入雲中。
31:4 許個水養伊大欉；
深淵互伊發真高。
伊許個江河踅流佇栽種伊的所在，
拆叉的水流到田園的樹木。
31:5 所以伊高大𨃟過田裡的眾樹；
伊的枝真艷，伊的椏真長，
因為佇伊發生的時有水多多。
31:6 空中的飛鳥攏佇枝頂作巢；
田野的走獸攏佇枝下生子；
多多大國攏𫢶佇伊的蔭下。
31:7 樹大枝長，成做真媠，
因為根旋佇大水邊。
31:8 上帝園內的柏香樹遮伊𣍐著；
松樹不及伊的枝；
楓樹不及伊的椏；
上帝園內諸個樹攏𣍐比得伊的媠。
31:9 我互伊的枝椏茂盛，成做媠，
致到上帝園內伊甸一切的樹攏怨妒伊。」
31:10 所以主耶和華按呢講：「因為你高大，枝尾伸入雲中，伊的心因為伊的高大來自高，
31:11 按呢，我欲將伊交佇列國中有大勢力者；伊的確欲辦伊。因為伊的罪惡，我趕逐伊。
31:12 外邦人，就是列邦中強暴者，將伊剉斷㧒擲。伊的椏磕落佇山裡及一切的山谷中，伊的枝折，佇彼所在的河邊。地上的眾百姓已經落去，離開伊的蔭影。
31:13 空中的飛鳥攏欲歇佇此個衰敗的樹頂，田野的走獸攏欲住佇伊的樹枝，
31:14 通互水邊諸個樹無因為高大來自高，亦無將枝尾伸入雲中，閣許個得著水潤澤有勢力的，亦𣍐得著高大來徛起來。因為𪜶佇世間人的中間，及落陰間的人攏交互死無，到深深的地下。」
31:15 主耶和華按呢講：「伊落陰間的彼日，我互人悲哀。我為著伊遮蓋深淵，約束江河，互大水停流；我亦互黎巴嫩為著伊凄慘，田野諸個樹攏因為伊昏去。
31:16 我將伊㧒落陰間，及落坑的人相及落去。彼時，列國聽見伊墜落的聲，就攏振動，伊甸一切的樹──黎巴嫩得著水潤澤、第一好第一媠的──攏佇地下深的所在受安慰。
31:17 𪜶亦及伊相及落陰間，到受刀刣的人遐。𪜶曾做伊的手骨，佇列國中徛起伊的蔭影下。
31:18 佇諸個榮光高大，佇伊甸諸個樹中，你親像是誰？總是你欲及伊甸諸個樹相及落去地下深的所在，你欲及受刀刣的人，倒佇無受割禮的人的中間。
「這就是法老及伊的眾百姓。這是主耶和華講的。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。