上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
責備推羅王
28:1 耶和華的話閣臨到我講：
28:2 「人子啊，你著對推羅的君王講，主耶和華按呢講：
因為你心內驕傲，你亦講：我是一個上帝；
我佇海中坐上帝的位。
你雖然存心家己掠做是上帝，
其實你是人，是上帝！
28:3 看啊，你比但以理卡有智慧，
無一項秘密的事對你隱密。
28:4 你倚靠家己的智慧聰明得著財寶、得著金銀，
收佇你的庫房。
28:5 你倚靠家己的大智慧及生理加添你的好額，
亦你的心為著你的好額來驕傲。
28:6 所以主耶和華按呢講：
因為你存心家己掠做是上帝，
28:7 看啊，所以我欲帶外邦人，
就是列國中強暴的人來你遮；
𪜶欲拔刀攻擊你對智慧所得著的好物，
拍垃墋你的榮光。
28:8 𪜶欲互你落深坑；
你欲死佇海中，
親像受刣的人的死一樣。
28:9 佇刣你的人的面前，你猶未講「我是上帝」嗎？
其實你佇刣死你的人的手，
不過是人，是上帝。
28:10 你欲死佇外國人的手中，
親像未受割禮的人的死一樣，
因為我有講伊。
這是主耶和華所講的。」
推羅王的結局
28:11 耶和華的話臨到我講：
28:12 「人子啊，你著給推羅王做哀歌，對伊講主耶和華按呢講：
你無所齊備，
智慧充足，完全媠。
28:13 你曾佇伊甸上帝的園內，
用逐樣的寶石做你的妝飾，
就是紅寶石、黃玉及金剛石、
青玉、紅瑪瑙、及碧玉、
藍玉、綠寶石、及赤玉、及黃金；
閣你鼓及簫佇你遐製造，
當你受造的日，就攏齊備。
28:14 你是彼個受抹油遮蓋的𠼻𡀔兵；
我安置你佇上帝的聖山；
你往來佇出火的石的中間。
28:15 你對受造的日所行攏完全，
直到尋著不義佇你的中間。
28:16 因為你生理真大，
人就用強暴充滿佇你的中間，致到你犯罪，
因為按呢，我看你親像污穢，
就對上帝的山趕逐你。
遮蓋的𠼻𡀔兵啊，
我已經將你對出火的石的中間除滅。
28:17 你因為媠，心中驕傲，
閣因為你的榮光敗壞你的智慧，
我已經捙倒你佇地裡，
互你倒佇君王的面前，
互𪜶看見。
28:18 你因為罪過真多，
做生理無公道，
你拍垃墋你許個聖所。
所以，我互火對你中間出，來燒滅你，
互你佇所有看見的人的目睭前變做地上的火灰。
28:19 眾百姓的中間，見若識你的人，
攏欲為著你來卬愕。
你互人通驚，
永遠無通閣佇啲。」
責備西頓
28:20 耶和華的話臨到我講：
28:21 「人子啊，你的面著向西頓對伊宣傳講，
28:22 主耶和華按呢講：
西頓啊，看啊，我及你做對敵，
我的確佇你中間得著榮光。
我佇伊中間行審判，顯明我做聖的時，
𪜶就知我是耶和華。
28:23 我亦欲互瘟疫，
及流血的事入伊的街路。
著傷者倒佇伊的中間，
四圍有刀劍攻擊伊，
𪜶就知我是耶和華。」
以色列欲蒙福
28:24 「四圍平素看輕以色列家的人，以後無閣向𪜶做鑿人的茦，互人艱苦的草茦，𪜶就知我是主耶和華。」
28:25 主耶和華按呢講：「我聚集以色列家對所四散去的百姓中，對𪜶顯明我做聖佇列國人的目睭前，彼時𪜶欲徛起佇本所在，就是我所賞賜我的奴僕雅各的地。
28:26 𪜶欲安然徛起佇彼中間。我已經行審判佇四圍看輕𪜶的人，彼時𪜶欲起厝，栽種葡萄園，安然徛起，𪜶就知我是耶和華──𪜶的上帝。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。