上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
耶利米受帶到埃及
43:1 耶利米對眾百姓講明白耶和華──𪜶的上帝一切的話，就是耶和華──𪜶的上帝差伊所講一切的話。
43:2 何沙雅的子亞撒利雅及加利亞的子約哈難，及一切驕傲的人，就對耶利米講：「你講無影話！耶和華──咱的上帝並無差你來講：『恁通去埃及，來寄腳佇遐。』
43:3 這是尼利亞的子巴錄教唆你害阮，欲將阮交佇迦勒底人的手，互𪜶刣死阮，抑是掠阮到巴比倫。」
43:4 對按呢加利亞的子約哈難及一切軍長，及眾百姓，聽趁耶和華的話來𫢶佇猶大地。
43:5 加利亞的子約哈難及一切的軍長就將剩的猶大人，就是對𪜶受趕去許個國倒來欲寄腳佇猶大地者，
43:6 不論查甫人、婦仁人、囝仔、及王許個查某子，及侍衛長尼布撒拉旦所留來交代沙番的孫亞希甘的子基大利的眾人，及先知耶利米，以及尼利亞的子巴錄，攏帶去埃及地，到答比匿。
43:7 這是因為𪜶聽趁耶和華的話。
43:8 佇答比匿，耶和華的話臨到耶利米講：
43:9 「你著用手提幾塊大粒石，佇猶大人的面前，囥佇疊磚的灰土內，就是佇答比匿法老的王宮門遐，
43:10 給𪜶講：『萬軍的耶和華──以色列的上帝按呢講：看啊，我欲召我的奴僕巴比倫王尼布甲尼撒來。佇所囥的石頭頂我欲安置伊的寶座；伊欲佇彼石頂搭媠的布棚。
43:11 伊欲來攻擊埃及地，應該死的就死；應該掠的就受掠；應該互刀刣的，就互刀刣。
43:12 我也欲起火佇埃及許個神明的廟，伊欲燒伊，掠𪜶去；伊欲得著埃及地，親像牧者穿伊的衫，對遐安然出去。
43:13 伊的確拍碎埃及地伯‧示麥雕刻的柱，用火燒埃及諸個神明的廟。』」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。