上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
互西底家的信息
34:1 巴比倫王尼布甲尼撒導伊攏總的軍兵，及伊所管地上的萬國逐族，來攻擊耶路撒冷以及許個屬伊的城。彼時，耶和華的話臨到耶利米講：
34:2 「耶和華──以色列的上帝按呢講，你著去給猶大王西底家講，耶和華按呢講：看啊，我欲將此個城交佇巴比倫王的手，伊欲用火燒伊。
34:3 你𣍐會脫離伊的手，的確受掠，交佇伊的手頭。你的目睭欲看巴比倫王的目睭，伊欲及你嘴對嘴講話，你亦欲到巴比倫。
34:4 猶大王西底家啊，你猶久著聽耶和華的話。耶和華論到你按呢講：你的確無互刀劍刣死，你欲平安過世，
34:5 人欲為你燒芳的物，親像為著你的列祖，就是你以前的先王所燒的一樣。人欲為著你哀傷講：『慘啊！我的主啊。』耶和華講：此個話我已經講伊啦。」
34:6 對按呢，先知耶利米佇耶路撒冷將這一切的話給猶大王西底家講。
34:7 彼時，巴比倫王的軍兵啲攻擊耶路撒冷，閣攻擊猶大所剩的城，就是拉吉及亞西加。因為猶大堅固的城只有剩諸個。
解放奴僕的約
34:8 耶和華的話閣臨到耶利米。
34:9 是因為西底家王及耶路撒冷的眾百姓立約，給𪜶宣佈解放，就是逐人著解放伊的奴僕女婢，凡若希伯來的男女互𪜶自由，無人通閣用伊的兄弟猶大人做奴僕。
34:10 有分此個約的貴族及眾百姓，聽見逐人著解放伊的奴僕女婢互伊自由，無閣用伊做差用。𪜶就遵趁來解放；
34:11 後來就退悔，互𪜶所解放自由的奴僕女婢倒來，勉強𪜶猶原做奴僕女婢。
34:12 因為按呢，耶和華的話對耶和華臨到耶利米講：
34:13 「耶和華──以色列的上帝按呢講：我導恁的列祖對埃及地做奴才的家出來的日，及𪜶立約講：
34:14 『到第七年恁著逐人解放伊的兄弟希伯來人，賣互你者；伊已經服事你六年，你著解放伊離開你來自由。』總是恁的列祖聽我，亦無俯耳孔。
34:15 今恁已經改變，行我所看做正直的事，逐人對厝邊宣佈解放，閣佇用我的名來稱的厝，佇我的面前立約。
34:16 總是恁又閣退悔，褻瀆我的名，逐人互所解放得著自由的奴僕女婢倒轉，勉強𪜶猶原做恁的奴僕女婢。
34:17 所以耶和華按呢講：恁無聽趁我，逐人對伊的兄弟對伊的厝邊宣傳解放。看啊！我對恁宣傳解放互刀劍、瘟疫、飢荒，閣互恁流落佇天下萬國中。這是耶和華講的。
34:18 見若背我的約，無趁彼個約的話，就是破開牛仔來經過彼中間的時，佇我的面前所立者，
34:19 就是猶大的貴族，耶路撒冷的貴族，以及太監、祭司，境內眾百姓，見若對破開的牛仔的中間經過者。
34:20 我欲將𪜶交佇𪜶的對敵的手及數想𪜶的生命的人的手；𪜶的身屍欲互空中的飛鳥及地上的野獸做食物。
34:21 閣我欲將猶大王西底家及伊的貴族交佇𪜶的對敵的手及數想伊的生命的人的手，亦交佇巴比倫王軍兵的手就是離開恁去者。
34:22 耶和華講：我欲命令𪜶互𪜶閣來此個城，𪜶欲攻擊伊，取伊，用火燒伊。我亦欲互猶大諸個城拋荒，無人徛起。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。