上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
閣講復國的應允
33:1 耶利米猶久關佇拘留所的院內，耶和華的話第二擺臨到伊講：
33:2 「行伊者的耶和華，計劃來建立伊者的耶和華，是伊的名。
33:3 伊按呢講：你求我，我就應你，亦將你所知，大閣得的事指示你。
33:4 論到此個城內的厝及猶大王的厝，就是拆毀來抵當對敵的土堆及抵當刀劍的，
33:5 以色列的上帝──耶和華按呢講：人欲來及迦勒底人交戰，不過是互身屍充滿諸個厝，就是我佇受氣及大受氣的中間所刣死的人，因為𪜶一切的歹，我就掩我的面看此個城。
33:6 看啊，我欲互伊的傷復原，閣用好藥醫好伊，閣將豐盛的平安及誠實顯明佇𪜶。
33:7 我亦欲互猶大受掠者及以色列受掠者倒轉來，閣建立𪜶親像起頭。
33:8 我欲洗除𪜶一切干犯我的罪，我亦欲赦免𪜶一切干犯我，背叛我諸個罪。
33:9 此個城欲佇萬國給我做歡喜的名，做謳咾，做榮光。因為萬國聽見我所賞賜佇𪜶一切的福氣，也為著我所賞賜一切的福氣及平安，欲驚惶愕愕惙。」
33:10 耶和華按呢講：「恁論到此個地方，有講是拋荒無人，無精牲的地方，總是佇此所在以及拋荒，無人，無人煙，無精牲的猶大諸個城及耶路撒冷的街市，
33:11 欲閣聽見有歡喜的聲，快樂的聲、新子婿的聲，新娘的聲，亦有人的聲就是許個帶謝恩的祭到耶和華的厝者啲講：
著感謝萬軍的耶和華，
因為耶和華是好；
伊的慈愛永遠佇啲！
因為我欲互此所在受掠的人倒轉來，親像起頭一樣。這是耶和華講的。
33:12 萬軍的耶和華按呢講：「在此個拋荒無人無精牲的地方及其中所有的城，欲閣有牧者徛起；互𪜶的羊群倒佇遐。
33:13 佇山地諸個城、平洋諸個城、南方諸個城、便雅憫、耶路撒冷的周圍，及猶大諸個城欲閣有羊群經過算的人的手。這是耶和華講的。」
33:14 耶和華講：「看啊，日子欲到，我應允以色列家及猶大家的好話我欲互伊成。
33:15 當彼日，彼時，我欲給大衛發生義的枝；伊欲佇地上行公平及公義。
33:16 佇彼日猶大欲得著救，耶路撒冷欲安然徛起，伊的名欲稱做『耶和華──咱的義』。
33:17 「因為耶和華按呢講：大衛欲永遠有人坐以色列的寶座；
33:18 祭司、利未人亦永遠有人獻燒祭禮物；常常辦理獻祭的事佇我的面前。」
33:19 耶和華的話臨到耶利米講：
33:20 「耶和華按呢講：恁若會廢無我所立日時的約，暝時的約，互日暝無照𪜶的時，
33:21 就會廢無我及我的奴僕大衛所立的約，互伊無有子佇伊的寶座做王，亦會廢無我及服事我的祭司、利未人所立的約。
33:22 天的象𣍐算得，海的沙𣍐量得，我欲照按呢互我的奴僕大衛的後裔及服事我的利未人加添多多。」
33:23 耶和華的話閣臨到耶利米講：
33:24 「諸個百姓所講的話你無聽見嗎？𪜶講：『耶和華所揀的二族，伊已經棄絕伊。』𪜶按呢看輕我的百姓，掠做𣍐閣成國佇𪜶的面前。
33:25 耶和華按呢講：我所立日時，暝時的約若會無去，我若無設天地的定例，
33:26 我就會棄拺雅各及我的奴僕大衛的後裔，致到無對伊的後裔取人治理亞伯拉罕、以撒、雅各的後裔；因為我欲互𪜶受掠的人倒來，亦欲憐憫𪜶。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。