上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
二筐無花果
24:1 巴比倫王尼布甲尼撒將猶大王約雅敬的子耶哥尼雅，及猶大的貴族，以及工匠、鐵匠對耶路撒冷掠去，帶到巴比倫。此個事了後，耶和華指互我看，有二筐的無花果，下佇耶和華的殿前。
24:2 一奇筐貯上好的無花果，親像起頭熟的無花果；一奇筐貯真歹的無花果，𣍐食得，因為真歹。
24:3 耶和華就給我講：「耶利米啊，你看見甚麼？」我應講：「無花果，好的真好，歹的真歹，𣍐食得，因為真歹。」
24:4 耶和華的話閣臨到我講：
24:5 「耶和華──以色列的上帝按呢講：受掠去的猶大人，就是我差𪜶離開此所在到迦勒底人的地者，我欲看𪜶親像諸個好的無花果，互𪜶得著福氣。
24:6 我欲眷顧𪜶，互𪜶得著福氣，導𪜶倒來此所在。我亦欲建立𪜶，無閣毀壞𪜶；栽培𪜶，無給伊拔起來。
24:7 我欲互𪜶有彼號心會識我，知我是耶和華。𪜶欲做我的百姓，我欲做𪜶的上帝，因為𪜶欲一心歸向我。」
24:8 耶和華按呢講：「猶大王西底家及伊諸個貴族，及耶路撒冷所剩猶留佇此所在的百姓，以及徛起佇埃及地者，我看𪜶親像諸個歹的無花果，𣍐食得因為真歹。
24:9 我欲將𪜶交出，互𪜶流落佇天下萬國，抵著艱苦；亦佇我趕𪜶到的逐所在成做凌辱、做話柄、做譏刺、做咒詛。
24:10 我欲用刀、劍、用飢荒、用瘟疫到𪜶中間，直到𪜶受滅佇我所賞賜𪜶及𪜶列祖的地。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。