上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
讖語耶路撒冷滅無
21:1 西底家王差瑪基雅的子巴施戶珥及祭司瑪西雅的子西番雅去見耶利米，講：
21:2 「巴比倫王尼布甲尼撒欲及咱交戰，求你替阮問耶和華，豈採耶和華照伊奇妙的所做款待咱，互伊離開咱上去。」彼時耶和華的話臨到耶利米。
21:3 耶利米對𪜶講：「恁著按呢給西底家講：
21:4 『耶和華──以色列的上帝按呢講：看啊，我欲互恁所攑的軍器，就是恁佇城外及巴比倫王以及圍困恁的迦勒底人交戰的軍器倒轉來，閣欲互諸個攏聚集佇此個城內。
21:5 閣我佇懊惱、受氣、大痛恨的中間，用伸出的手，及大權能的手骨，親身攻擊恁；
21:6 閣欲拍此個城徛起的百姓，無論人及精牲𪜶欲抵著大瘟疫來死。
21:7 以後我欲將猶大王西底家及伊的人臣百姓，就是佇此個城內，對瘟疫、刀劍、飢荒所剩者，攏交佇巴比倫王尼布甲尼撒的手，及𪜶的對敵的手，以及數想𪜶的生命的人的手。伊欲用刀刣死𪜶，無保惜，無可憐，無寬容。這是耶和華講的。』
21:8 「你著對此個百姓講：『耶和華按呢講：看啊，我將活路死路排佇恁的面前。
21:9 𫢶佇此個城內者欲對刀劍、對飢荒、對瘟疫來死；獨獨出去投降圍困恁的迦勒底人的欲得著活，來拾著伊的生命。
21:10 耶和華講：我的面定定向此個城，欲降災禍降福氣；此個城欲交巴比倫王的手，伊欲用火燒伊。』」
審判猶大的家
21:11 「論到猶大王的家，恁著聽耶和華的話。
21:12 大衛的家啊，耶和華按呢講：
恁逐早起著行公平，
拯救受搶劫者脫離強暴的人的手，
驚了我的受氣，因為恁所行的歹來發作，
親像火𤏸起來，甚至無人會拍熄。
21:13 耶和華講：徛起佇山谷平洋、石磐頂的百姓，
恁講：是誰會落來攻擊阮？
是誰會入阮徛起的所在啊？
看啊，我及恁做對敵。
21:14 耶和華閣講：
我欲照恁做代誌的結果刑罰恁；
我亦欲互火𤏸佇伊的樹林內，
燒毀伊的四圍。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。