上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
耶利米過孤單的生活
16:1 耶和華的話閣臨到我講：
16:2 「你佇此所在通娶某，生子查某子。
16:3 因為論到此所在所生的子查某子，閣論到此個國內生𪜶的父母，耶和華按呢講：
16:4 𪜶欲抵著重病來死，無人啼哭，𣍐得著埋葬，欲佇地上親像糞埽，閣欲對刀劍對飢荒來滅無；𪜶的身屍欲互空中的飛鳥及地上的野獸做食物。」
16:5 耶和華按呢講：「莫得入喪事的家，莫得去給伊啼哭，亦莫得為𪜶悲傷，因為我將我的平安，就是恩典及憐憫對此個百姓搶去。這是耶和華講的。
16:6 對大到細，欲死佇此個地方，𣍐得著埋葬。無人為𪜶啼哭，亦無人為𪜶割肉，剃光頭。
16:7 𪜶抵著喪事，無人為𪜶擘餅，因為死人來安慰𪜶；𪜶死父死母，亦無人用安慰的杯互𪜶飲。
16:8 你亦通入宴樂的家，及𪜶坐啲飲食。
16:9 因為萬軍的耶和華──以色列的上帝按呢講：恁猶活啲的日，佇恁的目前，我欲互歡喜的聲快樂的聲，新子婿的聲新娘的聲，佇此所在攏息。
16:10 「你將諸個一切的話指示此個百姓。𪜶對你講：『耶和華啥事講，欲降落此個大災禍攻擊阮啊？阮有甚麼罪過？阮有甚麼罪過得罪阮的上帝──耶和華啊？』
16:11 你著給𪜶講：『耶和華講：因為恁的列祖放拺我，去趁別號的上帝，服事𪜶，跪拜𪜶，閣放拺我，無守我的律法，
16:12 閣恁行歹比恁的列祖卡歹；看啊，恁逐人趁歹心的剛硬去行，甚至無聽趁我，
16:13 所以我欲趕恁出此所在，到恁以及恁的列祖所識的地。佇遐恁欲日暝服事別號的上帝，佇遐我無欲施恩互恁。』」
對流亡中倒來𪜶的地
16:14 耶和華講：「看啊，日子欲到，人指耶和華的永活來咒誓，無欲講伊是導以色列的後裔對埃及地上來的，
16:15 𪜶指耶和華的永活來咒誓，是欲講伊導以色列的後裔對北方的地，亦對見若伊所趕𪜶到的地上來，閣我欲導𪜶倒來𪜶的地就是我前所賞賜𪜶的列祖的。」
欲臨到的責罰
16:16 耶和華講：「看啊，我欲召多多掠魚者來掠𪜶，然後我欲召多多拍獵者，對諸個山、諸個山頭、諸個石孔來拍𪜶。
16:17 因為我的目睭啲看𪜶一切的行做；𪜶無遮蓋佇我的面前，𪜶的罪過亦無囥密佇我的目睭前。
16:18 我欲代先家己報應𪜶的罪過及罪惡；因為𪜶用通厭賤者的身屍拍垃墋我的土地，閣用𪜶可惡的物充滿我的產業。」
耶利米的信心及祈禱
16:19 耶和華啊，你是我的氣力，
是我的衛所；
佇苦難的日是我逃閃的所在。
列國的人欲對地極來你遮，
講：有影啊，阮的列祖所承接的，
不過是虛假，其中無有利益的。
16:20 人豈通為家己造上帝啊？
𪜶實在是上帝。
16:21 「看啊，我將此一擺互𪜶知，我欲互𪜶知我的手段及我的能力。𪜶就欲知我的名是耶和華。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。