上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
耶路撒冷受對敵圍攻
6:1 便雅憫人啊，恁著走出耶路撒冷，
佇提哥亞歕哨角，
佇伯‧哈基琳放煙燉；
因為有災禍及大的毀滅對北方落來。
6:2 我欲剿滅錫安的查某囝仔，
就是彼個媠閣幼秀者。
6:3 牧者及伊的羊群欲到伊遐，
佇伊的周圍搭布棚，
逐個佇伊所佔的地互羊食草。
6:4 恁著備辦交戰攻擊伊。
起來啊，咱著趁中晝的時上去。
慘啊！日已經斜西，
欲暗的影已經拖長。
6:5 起來啊，咱著透暝上去，
毀壞伊的宮殿。
6:6 因為萬軍的耶和華按呢講：
恁著剉樹木，
起土堆攻擊耶路撒冷。
這是彼個應該受刑罰的城，
𪜶中間一盡是暴虐。
6:7 井怎樣淐出水，
此個城亦按呢淐出歹；
佇𪜶中間常常聽見有強暴毀滅的事，
病痛損傷亦常常佇我的面前。
6:8 耶路撒冷啊，你著受教示，
免得我的心及你生疏，
免得我互你拋荒，
成做無人徛起的地。
悖逆的以色列
6:9 萬軍的耶和華按呢講：
𪜶欲一盡掠以色列剩的百姓，
親像摘葡萄一樣。
你著親像摘葡萄的，手閣轉入樹枝。
6:10 今我欲對是誰講話做干證，互𪜶聽啊？
看啊，𪜶的耳仔未受割禮，𣍐會聽。
看啊，耶和華的話𪜶掠做見誚，
無歡喜伊。
6:11 因為按呢，我互耶和華的受氣充滿，愞𣍐住。
我欲做一下傾佇街路的囝仔及聚會的少年人，
連丈夫及伊的某，
老人及日子滿足者，攏欲受掠。
6:12 𪜶的厝宅、田園，
及某攏欲變做別人的；
因為我欲伸手攻擊此所在徛起的百姓。
這是耶和華講的。
6:13 因為𪜶對第一細到第一大者攏一味貪心，
對先知到祭司攏行奸詐。
6:14 𪜶凊凊彩彩醫治我的百姓的傷，
講：平安啦！平安啦！
其實無平安。
6:15 𪜶行可惡的事，知見誚嗎？
無，𪜶攏無見誚，亦𣍐紅面。
因為按呢，𪜶欲跋倒佇跋倒的人的中間；
我辦𪜶的時，
𪜶欲顛倒。
這是耶和華講的。
以色列拒絕上帝的道路
6:16 耶和華按呢講：
恁著徛佇路裡看，
查問舊的路，
彼條好路佇叨落，就著行伊；
按呢，恁的心欲得著安息。
總是𪜶講：阮行伊。
6:17 我給恁設守望者，
講：著聽哨角的聲。
總是𪜶講：阮聽。
6:18 列國啊，因為按呢恁著聽！
會眾啊，恁著知𪜶中間有甚麼事。
6:19 地啊，著聽！
看啊，我欲互災禍到此個百姓，
就是𪜶的圖謀的結果；
因為𪜶聽趁我的話，
我的律法，𪜶亦棄絕。
6:20 對示巴出的乳香，
對遠遠的所在出的菖蒲，
帶來互我欲啥代？
恁的燒祭無得著接納；
恁的禮物，我亦無歡喜。
6:21 所以耶和華按呢講：
看啊，我欲下塞礙的石佇此個百姓的面前。
父及子欲做一下跋佇彼頂面；
厝邊及朋友亦攏欲滅無。
北方來的侵佔者
6:22 耶和華按呢講：
看啊，有一種的百姓對北方來，
亦有一個大國興起，對地極來。
6:23 𪜶攑弓及槍，
𪜶殘忍，無憐憫；
𪜶的聲親像海嘩嘩哮。
錫安的查某囝仔啊，
𪜶攏騎馬列陣，
親像戰士欲攻擊你。
6:24 阮聽見𪜶的風聲，手就軟落去；
痛苦擒著阮，
痛疼親像生子的婦仁人一樣。
6:25 恁通出去田裡，
亦通行佇路裡，
因為佇遐有對敵的刀劍，四圍有驚惶。
6:26 我的百姓啊，著縖麻布，翱佇火灰中。
著悲傷，親像喪失獨生子，痛心啼哭，
因為殘害者欲忽然到佇咱。
6:27 我設立你佇我的百姓中，做試驗者及衛所，
互你知來試驗𪜶的行做。
6:28 𪜶攏是大悖逆的人，
四界行誹謗。
𪜶是銅是鐵，
攏是行毀壞者。
6:29 風櫃燒著，鉛已經鎔佇火內；
𪜶直直鍛煉，到尾是空空；
因為歹者猶未除去。
6:30 人欲稱𪜶做受棄拺的銀，
因為耶和華已經棄拺𪜶。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。