上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以賽亞書
耶和華是獨一的上帝
44:1 我的奴僕雅各，
我所揀的以色列啊，
今你著聽。
44:2 造成你，閣對胎裡造就你，
亦欲幫助你的耶和華按呢講：
我的奴僕雅各，
我所揀的耶書崙啊，
免驚！
44:3 因為我欲將水傾互嘴乾的人，
將河水灌沃乾地。
我欲將我的神降落佇你的後裔，
將我的福氣降落佇你的子孫。
44:4 𪜶欲發生佇草中，
親像溪邊的柳樹。
44:5 此個欲講：我是屬耶和華者；
彼個欲用雅各的名家己稱；
閣此個欲親手寫：
歸佇耶和華者，
亦欲用以色列的名家己稱。
44:6 耶和華──以色列的王，
救贖的主──萬軍的耶和華按呢講：
我是起頭者，我是路尾者；
我以外無有上帝。
44:7 對我設立古早的百姓的時，
是誰會親像我叫伊，講明伊，給我排列啊？
互𪜶將未來的事及欲成的代誌講明。
44:8 恁免愞，亦免驚。
我豈是對古早就講明指示你嗎？
閣恁是我的干證！
我以外，豈有上帝嗎？
實在無有石磐，我識有別個！
空虛的偶像
44:9 製造雕刻的偶像者一盡空虛；𪜶所歡喜的攏無利益；𪜶的干證無看見，亦知，致到𪜶見誚。
44:10 是誰製造神佛，鑄造無利益的偶像？
44:11 看啊，伊的同伴攏欲見誚。工匠不過是人，出在𪜶聚會，出在𪜶徛啲，攏欲驚惶，相及見誚。
44:12 鐵匠造斧頭用火炭鍛煉，用鎚拍伊，用伊有力的手來搥伊；致到枵無力，無飲水來厭倦。
44:13 木匠牽繩線，用筆畫伊，用利刀刻伊，用圓尺畫模，仿人的形，做親像人的媠，𫢶佇厝內。
44:14 伊剉柏香樹，閣取栗樹及橡樹，佇樹林內揀定著一欉。伊栽種松樹，得著雨沃大欉。
44:15 此號樹，人用來燃火；用伊來烘燒，閣燒伊來煏餅，亦閣妝神佛來跪拜，刻偶像來磕頭。拜
44:16 用一份燒佇火裡，用一份煮肉來食，煏肉來食飽。家己烘燒講：「啊哈，我烘燒啦，我見著火啦。」
44:17 伊用剩的妝一身神佛，就是雕刻的偶像。伊仆落拜伊，祈禱伊講：「求你救我，因為你是我的上帝。」
44:18 𪜶知，亦𣍐想；因為伊糊𪜶的目睭，互𪜶𣍐看見，塞密𪜶的心，互𪜶𣍐明白。
44:19 無人曉悟，無智識，無聰明，會曉講：「我曾提一份佇火裡燒，佇伊火炭頂煏餅；燒肉來食。此個剩的，我豈通做可惡的物嗎？我豈通對柴頭磕拜嗎？」
44:20 伊用火灰做食物，伊的心昏迷，互伊差謬，伊𣍐會家己救，亦𣍐會講：「我的正手內豈是有白賊嗎？」
耶和華是創造主亦是救贖主
44:21 雅各啊，以色列啊，
因為你是我的奴僕，著記得諸個事。
以色列啊，你是我的奴僕，
我造就你的確無𣍐記得你。
44:22 我擦滅你的過失，親像密雲消散；
我擦滅你的罪惡，親像薄雲無去。
你著歸向我，因為我救贖你。
44:23 諸個天啊，應該著唱歌，
因為耶和華已經做成伊。
地的深的所在啊，應該出歡喜的聲；
諸個山應該出聲唱歌；
樹林及其中所有的樹攏著按呢！
因為耶和華有救贖雅各，
亦欲佇以色列得著榮光。
44:24 對胎裡造就你者，救贖你的耶和華按呢講：
我──耶和華是造成萬物者，
是家己展開諸個天、開闊大地者。
是誰及我佇啲啊？
44:25 互講假話的兆頭無功效，
互占卜的人癲狂，
互智慧的人退後，
互伊的智識變做愚戇；
44:26 互我的奴僕的話應驗，
我的使者的計劃得著成。
論到耶路撒冷講：的確有人徛起；
論到猶大的城講：的確受起造，
伊拋荒的所在我欲互伊興起。
44:27 對深淵講；你著乾去！
我亦欲互你的江河焦啦去。
44:28 論古列講：伊是我所用的牧者，
欲成我所歡喜者，
論耶路撒冷伊就講：伊欲受起造，
殿堂的地基亦欲建立。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。