上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以賽亞書
耶和華的奴僕
42:1 看啊，我的奴僕──
我所扶持的我所揀選的、我的心所歡喜者！
我有將我的神互伊；
伊欲將公理傳互外邦。
42:2 伊無喧嘩，無出聲，
亦無互街路裡聽見伊的聲。
42:3 受傷的蘆葦，
伊無遏折；
欲熄的燈火，
伊無拍熄。
伊照真實將公理傳報。
42:4 伊無凊心，
亦無失膽，
直到伊佇地上設立公理；
海嶼攏聽候伊的教示。
42:5 耶和華上帝，創造諸個天來展開伊，
開闊地及伊所出的，
用活氣互地上的眾百姓，
用神魂互行佇彼頂面的人的，講：
42:6 我──耶和華用公義召你，
欲牽你的手，保守你，
互你做百姓的約的中保，
做外邦人的光，
42:7 來開睛瞑的目睭，
導受關者出監，
互𫢶佇黑暗者出監牢。
42:8 我是耶和華，這是我的名；
我無將我的榮光歸互別個神，
亦無將我的名聲歸互雕刻的偶像。
42:9 看啊，前的事已經成，
今我亦欲將新的事講明，
諸個事未發起以前，我就講互恁聽。
謳咾的歌
42:10 過海的及海內所有的，
海嶼及其中徛起的百姓，
攏著向耶和華唱新的歌，
對地極謳咾伊。
42:11 曠野及其中的城，
及基達人徛起的鄉社攏著出聲；
西拉徛起的百姓著唱歌，
佇山頂的著出大聲。
42:12 𪜶著將榮光歸互耶和華，
佇海嶼中報揚伊的名聲。
42:13 耶和華欲親像勇猛的人出去，
欲親像交戰的人激動熱心，
欲喉叫，大聲喝，
欲用大氣力攻擊伊的對敵。
上帝應允幫助伊的百姓
42:14 我久久無開嘴，靜靜家己遏止；
今我欲喉叫，親像欲生的婦仁人；
我欲哈哈喘𣍐接氣。
42:15 我欲互大山小山變做拋荒，
互彼頂面的花草攏枯焦；
我欲互江河變做洲嶼，
互水池攏乾去。
42:16 我欲導睛瞑者行𪜶識的道路，
導𪜶行識的路徑；
佇𪜶的面前互黑暗變做光明，
互彎曲變做平直。
諸個事我攏欲行，
亦無放拺𪜶。
42:17 倚靠雕刻的偶像，
對鑄造的偶像講：
你是阮的上帝；
此號人受趕走，大見誚。
以色列人受教益
42:18 恁臭耳聾者，著聽！
恁睛瞑者，著看！
互恁會看見。
42:19 我的奴僕以外是誰睛瞑啊？
是誰臭耳聾親像我所差的使者啊？
是誰睛瞑親像彼個及我和好者？
抑是睛瞑親像耶和華的奴僕啊？
42:20 你看見多多代誌亦無注意，
開耳孔也無聽見。
42:21 耶和華因為家己的公義，
歡喜互律法做大，做尊貴。
42:22 總是此個百姓是受搶奪者，
佇山穴受當著，關密佇監裡；
𪜶互人掠著，無人拯救，
互人搶掠去，無人講放伊倒去。
42:23 恁中間是誰肯俯耳孔聽這，
是誰肯留心，後來聽趁伊啊？
42:24 是誰將雅各交伊互人搶，
將以色列交互賊啊？
豈是耶和華，
咱所得罪的嗎？
𪜶肯行伊的道路，
亦肯聽趁伊的律法。
42:25 所以，伊將猛烈的受氣及爭戰的兇猛
傾佇伊的身上。
佇伊的四圍親像火𤏸，伊猶知，
火燒著伊，伊亦無掛意。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。