上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以賽亞書
傳互亞哈斯王的信息
7:1 烏西亞的孫、約坦的子、猶大王亞哈斯坐位的時，亞蘭王利汛及以色列王利瑪利的子比加上來攻擊耶路撒冷，總是攻𣍐破。
7:2 有人給大衛的家講：「亞蘭及以法蓮已經會盟。」王的心及百姓的心攏搖動，親像樹林內的樹互風吹振動一樣。
7:3 耶和華對以賽亞講：「今你及你的子施亞雅述出去，到頂的池的水溝口，佇漂布師傅的田的大路，迎接亞哈斯，
7:4 對伊講：『你著謹慎安靜，莫得因為此二支出煙的火把頭，就是亞蘭的利汛及利瑪利的子，烈的受氣，來驚惶失膽。
7:5 因為亞蘭及以法蓮，及利瑪利的子，設歹的計謀害你，
7:6 講：咱著上來去攻擊猶大，擾亂伊，攻破伊，佇伊的中間設立他比勒的子做王。
7:7 主耶和華講：
此個計謀𣍐建立，
亦𣍐成。
7:8 因為大馬色做亞蘭的頭；
利汛做大馬色的頭。
（佇六十五年來，以法蓮的確破壞，致到𣍐成做國。）
7:9 閣撒瑪利亞做以法蓮的頭；
利瑪利的子做撒瑪利亞的頭。
設使恁信，
就的確𣍐會徛在。』」
以馬內利的記號
7:10 耶和華閣吩咐亞哈斯講：
7:11 「你著對耶和華──你的上帝求一個兆頭：通求伊佇深淵，抑是極高的天。」
7:12 亞哈斯講：「我求；亦試耶和華。」
7:13 以賽亞講：「大衛的家啊，恁著聽！恁互人為難豈算做小可事，亦欲互我的上帝為難嗎？
7:14 因為按呢，主本身欲互恁一個兆頭，看啊，有在室女欲懷孕生子，給伊號名叫以馬內利。
7:15 到伊會曉得放拺歹揀好的時，伊才欲食奶油及蜜。
7:16 因為佇此個囝仔猶未曉得放拺歹揀好的代先，你所驚的彼二個王的地欲抵著放拺。
7:17 耶和華欲互患難的日臨到你及你的百姓，以及你老父的家，對以法蓮離開猶大以來，未曾有此號的日就是亞述王來。
7:18 「彼時，耶和華欲出口號，招埃及江河的源頭的蝴蠅以及亞述地的蜂；
7:19 攏欲飛來，歇佇拋荒的山谷、石縫，及一切的莿帕，及一切的草場。
7:20 「彼時，主欲用對河外雇倩的剃頭刀，就是亞述王，來剃𪜶的頭及腳的毛，亦欲一盡髡𪜶的嘴鬚。
7:21 「彼時，一人欲飼一隻牛母，二隻綿羊母；
7:22 因為出奶多，伊欲食奶油，佇境內所剩的人攏欲食奶油及蜜。
7:23 「前，凡若栽一千欉的葡萄樹、值一千銀，到彼時欲生莿帕及蒺藜。
7:24 人上去遐，著帶弓箭，因為遍地滿滿莿帕及蒺藜。
7:25 所有用鋤頭掘的山地，你因為驚茦帕及蒺藜，敢上去遐；不過做放牛的所在，做羊𧿬踏的位。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。