雅歌
8:1 苦𣍐得著你做我的兄弟，
曾吸我老母的奶的；
就我若佇外面抵著你就及你唚嘴，
也無人會看輕我。
8:2 我欲引導你，
導你入我老母的家；
伊欲教示我，
我欲互你飲調和的酒及石榴的汁。
8:3 伊的倒手會扶我的頭殼；
伊的正手欲抱我。
8:4 耶路撒冷的眾查某囝仔啊，
我切切吩咐恁：
莫得拍醒伊、莫得攪擾我所疼者，
聽候伊家己情願。
p 〔耶路撒冷的查某囝仔〕
彼個靠佇伊所戀愛的對曠野上來的這是是誰？
〔新娘〕
8:5 我佇蘋果樹下叫醒你。
你的老母佇遐經過痛苦；
佇遐經過痛苦生你。
8:6 求你將我下佇你的心親像印，
下佇你的手骨親像印。
因為愛情有大力親像死，
妒忌殘忍親像陰府；
所發出的熱炎親像火焰，
是極猛烈的炎火。
8:7 多多水𣍐會滅愛情，
大水也𣍐會淹密伊。
若有人欲用家內全業換愛情，
的確互人藐視。
p 〔新娘的兄弟〕
8:8 阮有一個細漢小妹；
猶未長成，
人來講親成的日，
阮著給阮的小妹怎樣設法？
8:9 伊若是牆，
阮欲佇伊的頂面起銀塔；
伊若是門，
阮欲用柏香柴板圍伊。
p 〔新娘〕
8:10 我是牆；
我的奶親像樓閣。
彼時，我佇伊的目睭中親像得著平安的人。
p 〔新郎〕
8:11 所羅門佇巴力‧哈們有一區葡萄園；
伊將此個葡萄園租互顧守的人，
𪜶逐人為著𪜶的果子著納一千銀。
8:12 我的葡萄園我家己的是佇我的面前。
所羅門啊，彼一千歸互你，
二百歸互顧守果子的人。
8:13 你𫢶佇園中的，
同伴攏愛聽你的聲，
求你互我也得著聽見。
p 〔新娘〕
8:14 我所戀愛者啊，你著緊緊來！
親像羚羊抑是鹿仔佇芳草的山。
上一章 下一章 [ 條列 | 表格 | 整段 ]