上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
傳道書
9:1 我將這一切的事下佇心裡，欲詳細查考，就知義的人及智慧的人，及𪜶的所做攏佇上帝的手；或是疼，或是怨恨，攏佇𪜶的頭前，人知。
9:2 凡若臨到眾人的事攏是一樣：義人及歹人攏抵著一樣的事；好人，及清氣的人及無清氣的人，獻祭的人及無獻祭的人，也是一樣。好人按呢，罪人也按呢；咒誓者按呢；驚咒誓者也按呢。
9:3 佇日光的下面所行一切的事有一項歹代，就是眾人所抵著的攏是一樣，閣世間人的心有歹滿滿；活的時心內癲狂，後來就歸佇死人彼位。
9:4 見若屬佇活的人，彼人猶有向望，因為活的狗贏過死的獅。
9:5 活的人知會死；死的人攏知，也無得著報賞；𪜶的名人𣍐記得。
9:6 也𪜶的疼，也𪜶的怨恨，也𪜶的妒忌，攏已經消無佇日光的下面所行一切的事，𪜶永遠無份。
9:7 做你去歡喜食你的飯，用快樂的心飲酒，因為上帝已經接納你的所做。
9:8 你的衣服著常常白，你抹頭殼的油也通欠缺。
9:9 佇你一生空虛的日子，就是上帝賞賜你佇日光的下面空虛的日子，著及你所疼的婦仁人，快樂過日，因為彼是你生前佇日光的下面勞碌的事所得著的福份。
9:10 見若你的手所應該做的事著盡力去做；因為佇你所欲去的陰間，無做工，無計劃，無知識，也無智慧。
9:11 我閣越轉想：佇日光的下面，𠢕走者無的確會先到；有力者無的確會卡贏；智慧者無的確會得著米糧；明理者無的確會得著好額；奇巧者無的確會得著恩典。𪜶所抵著的攏在佇時期及偶然的。
9:12 因為人的時期伊家己知。親像魚不幸互網圍著，鳥互羅網當著，災禍忽然到的時，世間人陷落佇彼內面也是按呢。
智慧贏過氣力
9:13 我看見日光的下面有一項智慧，照我看是真大，
9:14 就是有一個細細的城，彼中間人少少，有大的君王來攻擊伊，圍困伊，閣起高的土堆來攻擊伊。
9:15 城內有一個喪鄉閣也有智慧的人，伊用智慧救彼個城，總是無人紀念彼個喪鄉人。
9:16 我就講，智慧贏過氣力；總是彼個喪鄉人的智慧互人看輕，伊的話，也無人聽伊。
9:17 智慧的人佇安靜中講話，比戇人的頭目大聲嚷卡有人聽。
9:18 智慧贏過交戰的軍器；總是一個有罪的人會敗壞真多好事。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。