上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
傳道書
8:1 是誰親像智慧的人？
是誰知事情的開拆？
人的智慧互伊的面有光，
也互伊剛強的面得著改換。
服從君王
8:2 我講著守王的命令；因為有指上帝來咒誓。
8:3 通趕緊離開伊的面前，通久長𫢶佇歹的事，因為伊凡事攏照家己的心意來行。
8:4 因為王的話有權，是誰會對伊講「你做甚麼」啊？
8:5 守命令的人，𣍐抵著災禍；智慧的人的心會辨明時勢及審判。
8:6 逐項事攏有伊的時及審判，因為人的苦難重重壓佇伊。
8:7 因為伊知將來的事，因為後來怎樣，是誰會給伊講啊？
8:8 無人會管伊的活命，將活命留啲；也無人會管死的日；此號的交戰，𣍐免得；罪惡也𣍐救行伊者。
8:9 這一切我攏有看見，也專心查考日光的下面所做一切的事。有時此人管彼人，致到害著伊。
歹人及義人
8:10 我看見歹人埋葬，歸佇墓；閣行正直的離開聖的所在，佇城內互人𣍐記得。這也是空虛。
8:11 因為定罪無立刻施行刑罰，所以世間人心大膽行歹。
8:12 罪人雖然做歹一百擺，猶久食長歲壽；若是我準準知，敬畏上帝的，就是佇伊的面前敬畏的人，到尾欲得著福氣。
8:13 總是歹人𣍐得著福氣，也𣍐得著長歲壽；是親像影，因為伊無敬畏佇上帝的面前。
8:14 世上有發現一件空虛的事，就是有義人，伊所抵著的照歹人的行做；閣有歹人，伊所抵著的照義人的行做。我講，這也是空虛。
8:15 我就謳咾快樂的事，因為人佇日光的下面，值著來食來飲來快樂；因為伊佇日光的下面，上帝賞賜伊一生的年歲，佇伊所勞碌的，這常常及伊佇啲。
8:16 我專心愛識智慧，也欲看世上所做的事。（有人日暝𣍐睏得目睭無放瞌。）
8:17 我就看見上帝一切所做的，知人𣍐會查考日光的下面所做的事；因為人無論怎樣著磨來查考，也𣍐查出，就是智慧的人雖然掠做知，也是𣍐會查出。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。