現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
箴言

11:1 詭詐的天秤是耶和華所厭惡;
公平的鉈子是伊所歡喜。

11:2 驕傲來,見誚亦來;
總是智慧是及謙卑的人相及佇啲。

11:3 正直的人,伊的真實欲引導伊;
奸詐的人,伊的乖僻欲敗壞伊。

11:4 大受氣的日錢財無利益;
只有公義會救人脫離死無。

11:5 完全的人的義欲舖平伊的路;
獨獨歹人欲因為伊的歹跋倒。

11:6 正直的人的義欲拯救伊;
奸詐的人欲互𪜶的歹掠著。

11:7 歹人一下死,伊的向望欲無去;
罪人所欣慕的也無去。

11:8 義人得著脫離患難,
有歹人做伊的替身。

11:9 無敬虔的人用嘴害厝邊;
獨獨義人對知識得著救。

11:10 義人亨通,通城歡喜;
歹人滅無,人攏出歡喜的聲。

11:11 城因為正直的人的祝福就興起,
總是因為歹人的嘴就捙倒。

11:12 藐視厝邊者,是無知的人;
總是明理的人靜靜無做聲。

11:13 四界行講人的長短,漏泄祕密的事;
心誠實的人,囥密代誌。

11:14 無智慧的指導,百姓就失敗;
謀士多,就得著安穩。

11:15 給生份人做保認,欲大受剋虧;
愛給人答應的,就得著安穩。

11:16 好德行的婦仁人得著名聲;
強猛的查甫人得著錢財。

11:17 仁慈的人利益家己的生命;
殘忍的人害家己的身軀。

11:18 歹人經營,得著虛假的工錢;
撒義的種子的,得著實在的效果。

11:19 長長行義的,欲得著活;
追趇歹代的,欲致到死。

11:20 心內乖僻者,是耶和華所厭惡;
行代誌完全的,是伊所歡喜。

11:21 歹人手牽手,的確𣍐免受刑罰;
義人的後裔欲得著拯救。

11:22 婦仁人媠也無明理,
親像金環掛佇豬的鼻。

11:23 義人所意愛的攏是好;
歹人所向望的結局是受氣。

11:24 有人愈提出,就愈加添;
有人堅吝,就反轉喪鄉。

11:25 愛捨施的,欲得著豐盛;
潤澤人的,欲得著潤澤。

11:26 囤五殼糶的,百姓欲咒詛伊;
甘願糶出的,欲得著祝福。

11:27 出力做好的,欲得著恩惠;
專務害人的,害欲到伊的身軀。

11:28 倚靠家己的錢財的,欲跋倒;
義人欲興旺,親像青翠的樹葉。

11:29 攪擾家己的家的,所接受的是風;
愚戇的人欲做心內智慧的人的奴僕。

11:30 義人所結的果子是活命的樹;
智慧的人,得著人的靈魂。

11:31 看啊,義人佇世間受報應,
何況歹人及有罪的人啊?




上一章 下一章 [ 條列 | 表格 | 整段 ]
現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
重新查詢


經文由台灣聖經公會提供, 不超過500節經文的使用權無須預先獲得批准,但請註明版權所屬。檢索技術與程式由 CBOL計畫提供,網站與資料庫資源由 信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative. 漢字字型2024版由聯合聖經公會Open Han Bible Project提供,羅馬字字型由SIL International免費授權提供,謹此致謝。使用者需遵守著作權聲明以免蹈法。