上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
以色列人佇埃及受虐待
1:1 以色列的眾子，逐個帶伊的家眷，及雅各到埃及。𪜶的名記佇下底。
1:2 流便、西緬、利未、猶大、
1:3 以薩迦、西布倫、便雅憫、
1:4 但、拿弗他利、迦得、亞設。
1:5 對雅各所生者，共有七十人。約瑟已經佇埃及。
1:6 約瑟及伊的兄弟，及彼代的人攏死。
1:7 以色列人𠢕生，𠢕傳，加添多多，閣興旺，極其強盛，充滿彼個地。
1:8 埃及有新的王興起，識約瑟的，
1:9 伊對伊的百姓講：「看啊，此個百姓以色列人比咱卡多，卡強。
1:10 來啊，咱著用計策來款待𪜶，驚了𪜶加添真多，後來若抵著交戰的事，𪜶及咱的對敵聯合來攻擊咱，閣對此個地上去。」
1:11 對按呢設立督工者管轄𪜶，用重擔苦楚𪜶。𪜶就給法老起比東、蘭塞二個城，做府庫。
1:12 總是愈苦楚𪜶，𪜶愈多愈開闊；對按呢就為著以色列人掛慮。
1:13 埃及人就督責以色列人做苦工，
1:14 互𪜶做工著磨生活艱苦；摶土做磚，及作田裡許個工，佇一切所做的工無是真嚴。
1:15 有希伯來的拾姐母，一個名施弗拉，一個名普阿；埃及王對𪜶講：
1:16 「恁給希伯來的婦仁人拾子，看𪜶臨盆的時，若是查甫囝仔，著互伊死；若是查某囝仔，通互伊活。」
1:17 總是拾姐母敬畏上帝，無照埃及王的命令來行，竟然留查甫囝仔的活命。
1:18 埃及王就叫拾姐母來，對𪜶講：「恁啥事按呢做，留查甫囝仔的活命？」
1:19 拾姐母對法老講：「希伯來的婦仁人及埃及的婦仁人無同；𪜶卡快便，拾姐母猶未到，𪜶已經生了。」
1:20 上帝好款待拾姐母。百姓加添真多，極其強盛。
1:21 拾姐母因為敬畏上帝，上帝就互𪜶成家。
1:22 法老吩咐伊的眾百姓講：「凡所生的查甫子，恁著給伊㧒落河；一切的查某囝仔，恁著留伊的生命。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。