上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以斯拉記
古列下令猶太人回國
1:1 當波斯王古列元年，因為欲應驗耶和華託耶利米所講的話，耶和華就激動波斯王古列的心，互伊宣佈佇通國閣寫伊講：
1:2 「波斯王古列按呢講：『天頂的上帝耶和華將天下的萬國賞賜我，閣命令我佇猶大的耶路撒冷給伊起殿。
1:3 恁中間見若做伊的百姓的，通上去猶大的耶路撒冷，佇耶路撒冷閣起耶和華──以色列上帝的殿。願伊的上帝及伊佇啲（伊真正是上帝）。
1:4 見所剩的人，無論寄腳佇甚麼所在，彼所在的人著用金銀、財物、精牲幫助伊，另外也著為耶路撒冷上帝的殿甘心獻禮物。』」
1:5 對按呢，猶大及便雅憫的族長、祭司、利未人，見若互上帝激動伊的心的，攏起來欲上去耶路撒冷起耶和華的殿。
1:6 𪜶四圍的人就用銀器、用金、財物、精牲、寶貝補助𪜶，另外閣有甘心獻的禮物。
1:7 古列王也將耶和華殿內的器具提出來，就是前尼布甲尼撒對耶路撒冷搬來、下佇伊許個上帝的廟的。
1:8 諸個器具波斯王古列託管庫房的米提利達提出來，點算伊交互猶大的首領設巴薩。
1:9 𪜶的數額記佇下面：金盤三十塊，銀盤一千塊，刀二十九支，
1:10 金碗三十塊，銀碗第二扮的四百一十塊，別樣的器具一千件。
1:11 金銀的器具共五千四百件。帶受掠的人對巴比倫上到耶路撒冷的時，設巴薩將諸個攏帶上去。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。