上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
聖殿奉獻
7:1 ( 王上 8:62-66 )
所羅門祈禱明白，就有火對天落來，一盡燒燒祭及別號的祭。耶和華的榮光充滿殿；
7:2 因為耶和華的榮光充滿耶和華的殿，所以祭司𣍐會入耶和華的殿。
7:3 彼個火降落、閣耶和華的榮光佇殿裡的時，以色列眾人看見，就佇舖石的所在仆落地敬拜，感謝耶和華講：
因為伊是好，
伊的慈惠永永佇啲！
7:4 王及眾百姓佇耶和華的面前獻祭。
7:5 所羅門王用牛二萬二千隻，羊十二萬隻獻祭。按呢，王及眾百姓為著上帝的殿行獻殿的禮。
7:6 祭司照伊的職啲徛；利未人也提耶和華的樂器，就是前大衛用利未人謳咾的時，大衛王刁持造來感謝耶和華的。（因為伊的慈惠永永佇啲！）祭司佇𪜶的面前歕哨角，以色列人攏徛啲。
7:7 所羅門也分別耶和華殿前院中做聖，佇遐獻燒祭及謝恩祭的油，因為所羅門所曾造的銅壇無夠額容允許個燒祭、素祭及油膋。
7:8 彼時所羅門守節期七日，以色列眾人對哈馬的路口到埃及的溪，攏來及伊守成做大的會。
7:9 到第八日𪜶設嚴肅會，因為𪜶守獻壇的禮七日，閣守節七日。
7:10 七月二十三日，王差百姓倒去𪜶的布棚；逐個歡喜心快樂，是因為耶和華所施出互大衛、所羅門及伊的百姓以色列的恩惠。
上帝閣向所羅門顯現
7:11 ( 王上 9:1-9 )
對按呢所羅門起耶和華的殿及王宮完工；佇耶和華的殿及王宮見所羅門心內所愛做的，攏做到成功。
7:12 暝時耶和華出現佇所羅門，給伊講：「我已經聽你的祈禱，也揀此所在做獻祭我的殿。
7:13 我若關密天致到無落雨，抑是命令草蜢食伊的土產，抑是互瘟疫流行佇我的百姓中，
7:14 我的百姓用我的名來稱的，若家己謙卑、祈禱，求見我的面，越轉離開𪜶的歹路，我欲對天聽𪜶，赦免𪜶的罪，醫治𪜶的地。
7:15 我欲目睭看、耳孔聽佇此所在所獻的祈禱。
7:16 因為我今已經揀此間殿，分別伊做聖，互我的名永遠佇遐，我的目睭、我的心也欲久長佇遐。
7:17 論到你若行佇我的面前親像你的老父大衛所行的，遵趁我一切所命令你的，執守我的律例我的法度，
7:18 我就欲堅固你的國位，親像我及你的老父大衛所立的約，講：『你的後裔欲管理以色列永無斷。』
7:19 「恁若越轉來棄拺我的律例我的誡命，就是我下佇恁的面前的，去服事別個上帝來敬拜伊，
7:20 我就欲對我賞賜𪜶的地拔𪜶的根，閣我為家己的名所分別做聖此間殿也欲對我的面前棄拺伊，互伊佇萬國中做話柄，受譏刺。
7:21 此間殿雖然真高，將來經過的人欲卬愕講：『耶和華啥事按呢款待此個地此間殿啊？』
7:22 就欲應講：『是因為𪜶棄拺耶和華──𪜶列祖的上帝，就是導𪜶出埃及地的，去結聯別個上帝，服事敬拜𪜶，所以耶和華互這一切的災禍臨到𪜶。』」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。