上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
11
掃羅拍敗亞們人
亞捫人拿轄上到基列的雅比，紮營欲攻擊伊。雅比的眾人給拿轄講：「你及阮立約，阮就欲服事你。」
2 亞捫人拿轄應講：「我及恁立約，著按呢就是挖恁眾人的正目，我通用此個來凌辱以色列人。」
3 雅比的長老給伊講：「求你寬容阮七日，互阮差人去以色列的全境；若無人救阮，阮就出來就你。」
4 所差的人到掃羅的基比亞，將諸個話講互百姓聽，百姓就攏開聲哮。
5 掃羅抵當對田裡趕牛倒來，掃羅講：「百姓為啥事啼哭？」𪜶就將雅比人的話給伊講。
6 掃羅聽見諸個話，上帝的神大大感動伊，伊大受氣。
7 伊就將一對牛切一塊一塊，交代使者送到以色列的全境，講：「見若無出來跟隨掃羅及撒母耳的，也欲按呢款待伊的牛。」耶和華互百姓驚，𪜶就攏出來，親像一人。
8 佇比色點算許個人：以色列人有三十萬，猶大人有三萬。
9 𪜶給所差的人講：「恁著按呢回覆基列的雅比人講，明仔日將近中晝的時，恁欲得著拯救。」所差的人倒去給雅比人講，𪜶就歡喜。
10 雅比人就給亞捫人講：「明仔日阮欲出來就恁，恁通出在意思款待阮。」
11 隔日，掃羅分百姓做三隊，佇五更早的時入亞捫人的軍營，拍死𪜶到日欲晝，所剩的人攏走四散，無二人相及住一位。
12 百姓給撒母耳講：「彼個講『掃羅豈會管轄咱』的是是誰啊？著掠許個人出來，阮欲刣死伊。」
13 掃羅講：「今仔日一人也通刣死，因為今仔日耶和華拯救以色列。」
14 撒母耳給百姓講：「來啊，咱來去吉甲，佇遐重再建立國。」
15 眾百姓就去吉甲，佇吉甲當耶和華的面前設立掃羅做王，𪜶佇遐獻謝恩祭佇耶和華的面前。掃羅及以色列眾人大大歡喜。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。