上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
摩押王召巴蘭
22:1 以色列人起身，紮營佇摩押的平洋、佇約但河外，耶利哥的對面。
摩押王邀請巴蘭
22:1 以色列人閣出發，佇約旦河東旁，耶利哥對面的摩押平原紮營。
22:2 西撥的子巴勒，看見以色列人對亞摩利人所行一切的事。
22:2 西撥的子巴勒聽見以色列人對亞摩利人所做一切的事。
22:3 摩押真驚彼個百姓，因為𪜶真多，摩押因為以色列百姓，心就著急，
22:3 摩押人知以色列人真多，就真驚，非常著急。
22:4 摩押給米甸的長老講：「今此群的人欲一盡食咱四圍所有的，親像牛食田裡的草一般。」彼時西撥的子巴勒做摩押王。
22:4 摩押人給米甸的長老講：「今此陣人欲將咱四周圍所有的食了了，親像牛食野地的草仝款。」
彼時西撥的子巴勒做摩押的王。
22:5 伊差使者去大河邊的毗奪，到比珥的子巴蘭的本所在，叫伊來，講：「看啊，有一個百姓對埃及出來，看啊，𪜶遮滿地面，也徛起佇我的對面。
22:5 伊派使者去幼發拉底河的比奪，比珥的子巴蘭的故鄉，邀請伊來，講：「有一族的人對埃及出來；𪜶人多甲蓋滿地面，現在住佇我的對面。
22:6 今請你來，給我咒詛此個百姓，因為𪜶比我卡強，豈採我會拍來卡贏𪜶，趕𪜶出此個所在。因為我知，你所祝福的，就得著福氣；你所咒詛的，就受咒詛。」
22:6 𪜶比阮較強，所以請你來，替我咒詛許個人，我才有可能刣贏，給𪜶趕出此個地。我知，你祝福的，會得著祝福；你咒詛的，會受咒詛。」
22:7 摩押長老及米甸的長老就起身手帶卜卦的禮，去到巴蘭遐，將巴勒的話給伊講。
22:7 摩押的長老及米甸的長老就帶卜卦的禮金出發，去巴蘭遐，將巴勒的話給伊講。
22:8 伊對𪜶講：「今暝恁歇遮，照耶和華所吩咐我的我欲回覆恁。」摩押的首領就歇佇巴蘭遐。
22:8 巴蘭對𪜶講：「下昏暗恁住遮；我會將上主吩咐我的給恁回復。」摩押的官員就住佇巴蘭遐。
22:9 上帝臨到巴蘭，問伊講：「及你住許個人是是誰？」
22:9 上帝來巴蘭遐，問伊講：「來住你遮的是啥人？」
22:10 巴蘭應上帝講：「是摩押王西撥的子差人到我遮，講：
22:10 巴蘭應上帝講：「是西撥的子摩押王巴勒派人來我遮，講：
22:11 『看啊，有百姓對埃及來，遮滿地面，請你來給我咒詛𪜶，豈採我會刣贏𪜶，趕𪜶出去。』」
22:11 『有人民對埃及出來，人多甲蓋滿地面。請你來，替我給𪜶咒詛，我才有可能刣贏，給𪜶趕出去。』」
22:12 上帝對巴蘭講：「你通及𪜶去，也通咒詛此個百姓，因為𪜶是得著福氣的。」
22:12 上帝對巴蘭講：「你毋通及𪜶去，嘛毋通給此個人民咒詛，因為𪜶是我所祝福的。」
22:13 巴蘭清早起來，對巴勒的首領講：「恁倒去恁的所在，因為耶和華准我及恁去。」
22:13 隔早起巴蘭起來，對巴勒的官員講：「恁倒去，因為上主毋准我及恁做夥去。」
22:14 摩押的首領就起來，倒去巴勒遐，講：「巴蘭肯及阮來。」
22:14 摩押的官員就出發，倒去給巴勒報告，講：「巴蘭毋肯及阮來。」
22:15 巴勒閣差首領，比前卡多卡尊貴的。
22:15 巴勒閣派較多、較大的官員。
22:16 𪜶到巴蘭遐，對伊講：「西撥的子巴勒按呢講：『求你通互甚麼代誌阻擋你無來我遮，
22:16 𪜶到巴蘭遐，對伊講：「西撥的子巴勒按呢講：『請你一定著來我遮。
22:17 因為我欲互你得著極大的尊貴。見若你對我講甚麼，我欲照按呢行；所以請你來，給我咒詛此個百姓。』」
22:17 我欲互你夠額的報賞；無論你要求什麼，我攏會互你；所以請你來，替我給此個人民咒詛。』」
22:18 巴蘭對巴勒諸個人臣講：「巴勒就若用滿厝的金銀互我，我也敢𨃟過我的上帝的命令來加減行。
22:18 巴蘭對巴勒的官員講：「巴勒就是歸厝間的金銀互我，我一屑仔都毋敢違背上主 — 我的上帝的命令。
22:19 請恁今暝閣歇遮，聽候我知耶和華閣給我講甚麼。」
22:19 請恁下昏暗閣歇𫢶遮，聽候我知上主欲閣給我講什麼。」
22:20 彼暝，上帝臨到巴蘭遐，講：「諸個人若來叫你，你就起來及伊去，總是我所欲給你講的，你著遵趁。」
22:20 彼暝上帝來巴蘭遐，給伊講：「既然諸個人閣來邀請你，你就及𪜶去；毋拘我給你講的，你著照按呢做。」
巴蘭及伊的驢
22:21 巴蘭早起起來，備辦驢，及摩押的首領相及去。
22:21 巴蘭透早起來，準備驢，及摩押的官員做夥去。
22:22 上帝因為伊去就受氣；耶和華的使者徛佇路裡來抵敵伊。伊騎驢，二個奴僕跟隨伊。
巴蘭及伊的驢
22:22 上帝因為巴蘭及巴勒的官員做夥去就受氣。巴蘭騎驢，有兩個僕人隨伊；上主的使者來徛佇路裡，給伊阻擋。
22:23 驢看見耶和華的使者徛佇路裡，手裡拔刀，驢就對路裡閃入園，巴蘭就拍驢，欲互伊歸原路。
22:23 驢看見上主的使者徛佇路裡，手攑拔出來的刀，就對路裡閃入園；巴蘭拍驢，欲互伊轉來原路。
22:24 耶和華的使者就徛佇葡萄園的狹路；此旁有牆，彼旁也有牆。
22:24 上主的使者來徛佇葡萄園的狹路，雙旁攏有牆。
22:25 驢看見耶和華的使者，就閃倚彼個牆，夾巴蘭的腳佇牆裡；巴蘭就閣拍伊。
22:25 驢看見上主的使者，就閃倚一旁牆，給巴蘭的腳揢著，巴蘭就閣拍伊。
22:26 耶和華的使者閣進前去，徛佇狹狹的所在，雙旁無路通越。
22:26 上主的使者行進前，徛佇較狹的所在，雙旁無路通斡。
22:27 驢看見耶和華的使者，就仆佇巴蘭的下底，巴蘭發受氣，用枴仔拍驢。
22:27 驢看見上主的使者，就仆佇巴蘭的下底；巴蘭發受氣，用柺仔拍驢。
22:28 耶和華開驢的嘴，驢對巴蘭講：「我對你做甚麼，你竟然拍我此三擺啊？」
22:28 上主開驢的嘴，驢就對巴蘭講：「你哪無代無誌給我拍三遍？」
22:29 巴蘭對驢講：「因為你戲弄我，我恨手裡無刀，有，就給你刣死。」
22:29 巴蘭對驢講：「因為你創治我；我恨𣍐得有刀給你刣死。」
22:30 驢對巴蘭講：「我豈是你的驢你一生所騎的嗎？我平素曾對你按呢行嗎？」巴蘭講：「無。」
22:30 驢對巴蘭講：「你從少年就騎我，我豈曾對你按呢做？」
巴蘭講：「毋曾。」
22:31 彼時，耶和華開巴蘭的目睭，伊就看見耶和華的使者徛佇路裡，手拔刀，巴蘭就俯頭仆佇地裡。
22:31 彼時上主開巴蘭的目睭，伊就看見上主的使者徛佇路裡，手攑拔出來的刀；巴蘭就俯頭仆佇土腳。
22:32 耶和華的使者對伊講：「你啥事此三擺拍你的驢啊？看啊，我出來抵敵你，因為你佇我的面前所行的，是悖逆。
22:32 上主的使者對伊講：「你是按怎三遍拍你的驢？我來阻擋你，因為你的所做違背我。
22:33 驢看見我，就閃避我此三擺；設使驢無閃避我，我已經刣死你，互驢活啲。」
22:33 驢看見我，就閃我三遍；伊若無閃，我早就給你刣死，互驢活啲。」
22:34 巴蘭對耶和華的使者講：「我有犯罪啦。我知你徛佇路裡阻擋我；你若無歡喜我去，我就倒轉去。」
22:34 巴蘭對上主的使者講：「我有罪啦。我毋知你徛佇路裡阻擋我；你若無愛我去，我就轉去。」
22:35 耶和華的使者對巴蘭講：「你及諸個人去！總是你只有通講我所欲對你講的。」巴蘭就及巴勒的首領相及去。
22:35 上主的使者對巴蘭講：「你及𪜶去；毋拘你干焦會用得講我愛你講的話。」巴蘭就及巴勒的官員做夥去。
巴勒迎接巴蘭
22:36 巴勒聽見巴蘭來，就去摩押城迎接伊；此個城是佇邊界的極頭，佇亞嫩的邊頭。
巴勒歡迎巴蘭
22:36 巴勒聽著巴蘭來，就去摩押城迎接伊；此個城是佇邊界的亞嫩河邊。
22:37 巴勒對巴蘭講：「我豈是切切差人到你遐去叫你嗎？你啥事無來我遮啊？我豈無真正會互你尊貴嗎？」
22:37 巴勒對巴蘭講：「我前遍就熱切邀請你，你是按怎無來？你想講我𣍐互你夠額的報賞是無？」
22:38 巴蘭應巴勒講：「我今來到你遮！我豈有權會講甚麼啊？上帝用甚麼話交代我，我就講伊。」
22:38 巴蘭應巴勒講：「我都已經來啊。毋拘我𣍐當欲講什麼就講什麼。我干焦會當講上帝交代我的話。」
22:39 巴蘭及巴勒相及行，來到基列‧胡瑣。
22:39 巴勒導巴蘭去胡瑣城。
22:40 巴勒刣牛羊獻祭，就送互巴蘭以及及伊佇啲的首領。
22:40 巴勒刣牛羊獻祭，將祭肉送互巴蘭以及去接伊來的官員。
巴蘭第一擺預言
22:41 到隔早起，巴勒導巴蘭到巴勒的高位；巴蘭對遐看以色列百姓極頭的所在。
巴蘭第一遍預言
22:41 隔早起，巴勒導巴蘭去巴末‧巴力；巴蘭對遐會當看著以色列人民分散到叨位。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。