上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
大淫婦及獸
17:1 許個提七塊碗的七個天使，其中一個來及我講話講：「來，我欲將彼個坐佇多多條水的大淫婦所欲受的審判互你看。
17:2 地上諸個王曾及伊行淫，徛起地上的人已經對伊淫亂的酒來醉。」
17:3 我受神的感動，互天使導我去曠野，我就看見有婦仁人騎朱紅色的獸；彼隻獸遍身有謗瀆的名，有七個頭十支角。
17:4 婦仁人穿紫色及朱紅色的衫，用金、寶石、真珠來妝飾；手裡有金的杯，貯諸個可惡的物，以及伊淫亂的污穢滿滿。
17:5 有名寫佇伊頭額講：「奧妙！大的巴比倫，就是地上諸個淫婦及諸個可惡的物的老母。」
17:6 閣看見一個婦仁人飲聖徒的血以及干證耶穌者的血到醉。
我看見，就大奇怪。
17:7 天使給我講：「你啥事奇怪？我欲將婦仁人及伊所騎七個頭殼十支角的獸的奧妙給你講。
17:8 你所看見的獸，早有，今無，後來欲對深淵起來，就歸佇沈倫。徛起佇地上的人，𪜶的名對創造世間的時無記佇活命的冊的，看見彼隻獸，早有，今無，亦欲閣佇啲，就欲奇怪。
17:9 有智慧的心在佇此個。七個頭殼是七座山，就是婦仁人所坐佇彼頂面的，
17:10 閣是七個王；五個已經倒，一個現在佇啲，一個猶未到；伊若到，就的確暫時佇啲。
17:11 彼個早有現在無的獸，就是第八個；也是彼七個在內，也歸佇沈淪。
17:12 你所看見十支角就是十個王；未曾得著國的，獨獨欲及獸相及得著權，親像王半時久。
17:13 𪜶攏同意思將家己的才能、及權柄互獸。
17:14 𪜶欲及羊羔交戰，羊羔欲卡贏𪜶，因為伊是萬主的主、萬王的王。及伊佇啲的也欲卡贏，因為𪜶是受召、受揀、忠信的人。」
17:15 天使閣給我講：「你所看見攏總的水，淫婦所坐的，就是諸個百姓、諸個眾人、諸個邦國、諸個腔口。
17:16 閣你所看見的彼十支角及彼隻獸欲怨恨此個淫婦，也欲互伊冷靜褪裼，閣欲食伊的肉，用火一盡燒伊。
17:17 因為上帝曾互𪜶有此號心來成伊的旨意，閣同心將𪜶的國互獸，聽候上帝的話應驗。
17:18 你所看見的婦仁人就是彼個啲管理地上列王的大城。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。