上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬可福音
耶穌光榮進入耶路撒冷
11:1 ( 太21:1-11 路19:28-40 約12:12-19 )
耶穌及門徒啲欲到耶路撒冷，到橄欖山腳的伯法其及伯大尼的時，伊差兩個門徒，
11:2 給𪜶講：「恁去對面的庄社，入去，隨時會看著一隻曾互人騎過的驢仔子縛佇遐；恁給伊解開，牽來遮。
11:3 若有人問恁是按怎按呢做，著給伊講：『主欲用伊，連鞭會閣牽轉來還。』」
11:4 𪜶去，看著路邊有一隻驢仔子縛佇門口，就給伊解開。
11:5 有一寡徛佇遐的人問𪜶講：「恁解驢仔子欲創什麼？」
11:6 𪜶照耶穌所吩咐的給𪜶回答；許個人就准𪜶牽去。
11:7 𪜶牽彼隻驢仔子來耶穌遐，將家己的外衫披佇驢仔頂，耶穌就𬦰去騎。
11:8 有真多人用𪜶的外衫鋪佇路裡，嘛有人對野外剉樹椏鋪佇路裡給伊歡迎。
11:9 前行後隨的人大聲喝：
和散那！
奉主的名來彼位應該受稱讚！
11:10 啲欲來咱祖先大衛的王國應該受稱讚！
至高的上帝，和散那！
11:11 耶穌進入耶路撒冷，入去聖殿，逐項看一輪。因為天已經暗，伊就及十二使徒出城去伯大尼。
耶穌咒詛無花果樹
11:12 ( 太21:18-19 )
隔日，耶穌及門徒對伯大尼出來的時，耶穌腹肚枵。
11:13 伊佇遠遠看著一欉有真多葉的無花果樹，就行倚去欲看有果子抑無。伊行到遐，樹頂葉仔以外，攏無看著半項，因為是無花果的季節。
11:14 伊就對彼欉無花果樹講：「永遠無人會閣食你的果子！」
伊的門徒攏有聽著。
耶穌潔淨聖殿
11:15 ( 太21:12-17 路19:45-48 約2:13-22 )
後來𪜶來到耶路撒冷，耶穌入去聖殿，起手將佇殿內啲買賣的人趕出去，閣捙倒換錢的人的桌及賣粉鳥的人的椅。
11:16 伊嘛准人提物件用聖殿做通路過來過去。
11:17 伊教示𪜶講：「聖經豈無記載：
我的厝欲叫做萬民祈禱的殿，
恁煞給伊變做土匪仔窟。」
11:18 祭司長及經學教師聽著就一直想辦法欲害死耶穌，拘𪜶驚伊，因為群眾對伊的教示攏真感服。
11:19 黃昏的時，耶穌及門徒出去城外。
對無花果樹得著教示
11:20 ( 太21:20-22 )
隔早起，耶穌及門徒對遐經過的時，看著彼欉無花果樹歸欉攏焦去。
11:21 彼得記得就給耶穌講：「拉比，你看，你咒詛彼欉無花果樹已經焦去。」
11:22 耶穌應講：「恁著信上帝。
11:23 我實在給恁講，無論什麼人對此座山講『起來，去填海』，伊心若無憢疑，信所講的一定會實現，嘛會按呢互伊實現。
11:24 所以，我給恁講，恁祈禱的時無論求什麼，信已經得著就會得著。
11:25 恁徛啲祈禱的時，若對某人心有不平，著給伊赦免；按呢，恁的天父嘛會赦免恁的過失。」(111.25有的抄本有26節「恁若無赦免，恁的天父嘛𣍐赦免恁的過失。」)
質問耶穌的權柄
11:27 ( 太21:23-27 路20:1-8 )
𪜶閣來到耶路撒冷。耶穌佇聖殿啲行的時，祭司長、經學教師，及長老來伊遐，
11:28 問伊講：「你靠什麼權柄做諸個代誌？什麼人互你此個權柄來做諸個代誌？」
11:29 耶穌給𪜶應講：「我欲問恁一句話。恁給我應答，我才給恁講我靠什麼權柄做諸個代誌。
11:30 約翰洗禮的權柄是對天抑是對人來的？恁給我講。」
11:31 𪜶互相議論講：「咱若講『對天』，伊會講『按呢恁是按怎無信約翰？』
11:32 拘咱若講『對人』，恐驚群眾反感，因為𪜶攏想講約翰真正是先知。」
11:33 𪜶就應耶穌：「阮知。」
耶穌就對𪜶講：「按呢，我嘛給恁講我靠什麼權柄做諸個代誌。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 3.1) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型3.1版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。