上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太後書
2
基督耶穌的精兵
所以我的子啊，你𫢶佇基督耶穌的恩著勇健。
2 你佇多多干證的人的面前所對我聽見諸個事，著交託忠信的人，將來堪得教示別人的。
3 你著親像基督耶穌精練的兵，及我受苦。
4 見若出軍的兵，無互世事纏絆，通互招募伊的歡喜。
5 力的若無照法度來力，就𣍐得著冕旒。
6 出力著磨的作穡人，卡代先得著土產是合宜。
7 我所講的你著想伊，因為主欲互你佇逐項代誌聰明。
8 你著記得對大衛的後裔所出的耶穌基督，伊對死人中復活，抵抵照我的福音。
9 我為著此個受苦，甚至受缚，親像行歹的人一樣。總是上帝的道理無受缚。
10 所以我因為受揀的人來吞愞一切的事，互𪜶也有份佇基督耶穌的拯救及永世代的榮光。
11 有一句通信的話就是講：
咱若及伊同死，也欲及伊同活；
12 咱若吞愞，也欲及伊相及做王；
咱若認伊，伊也欲認咱；
13 咱若失信，伊猶原是信實，
因為伊𣍐會背家己。
做免見誚的工人
14 你著將諸個代誌互人記得，也佇主的面前吩咐𪜶：通因為言語來相諍；這是無利益，閣會敗壞聽的人。
15 你著致意互上帝看你做可取的，做免見誚的做工人，照正意來開拆真理的道。
16 著閃避粗俗的虛詞。因為𪜶欲愈致到不虔。
17 𪜶的話欲生湠，親像瘡毒；其中有許米乃及腓理徒，
18 論到真理𪜶已經差謬，講復活的事已經過身，就敗壞幾若人的信。
19 總是上帝堅固的地基徛在；有蓋印講：「主識伊家己的人」；閣講：「凡若稱呼主的名的著離開不義。」
20 今佇大厝內，伊的器具若有金的銀的，也有柴的土的；有的做貴器的路用，有的做下賤的路用。
21 所以人若清氣家己，脫離諸個，就欲做貴器的器具，成聖，合佇主人的路用，便便通做逐項好的事。
22 著閃避少年人的私慾，來及許個出佇清氣心求叫主的人相及追趇義、信、仁愛、和平。
23 若是愚戇無學問的辯論，你著離開𪜶，因為知對諸個會生出冤家。
24 獨獨主的奴僕通冤家，著溫柔來款待眾人，𠢕教示，忍受侮慢，
25 用溫柔警戒許個逆理的人；豈採上帝互𪜶反悔，通來識真理，
26 也家己醒悟，來脫離魔鬼的活罩，因為互主的奴僕活活掠著，來成上帝的旨意。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。