上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太前書
5
對別人的本分
莫得責備老人，著勸伊親像老父；少年人親像兄弟；
2 老婦仁人親像老母；少年婦仁人親像姊妹；著專務清氣。
3 真正守寡的寡婦著尊敬伊。
4 若是守寡婦仁人有子，抑是孫，𪜶著代先學有孝佇伊家己的家，來報答𪜶的序大人，因為這是得著接納佇上帝的面前。
5 真正做寡婦、無依倚的，只有向望上帝，暝日常常啲求叫祈禱。
6 若是奢侈的，雖然活已經死。
7 諸個事著吩咐，互𪜶無毛病。
8 人若無顧親人，甚至無顧家己的家，這就是悖謬道理，比信的人閣卡歹。
9 寡婦記佇冊裡的，的確著上六十歲，曾做一個丈夫的婦仁人，
10 閣有好所行的證據，曾養飼子兒，接待人客，洗聖徒的腳，賑濟受患難的人，趁一切的好所行。
11 若是少年的寡婦，著辭伊；因為𪜶到動起情慾，來逆基督的時就想欲嫁。
12 因為𪜶放拺起頭的信，就受擬斷；
13 閣學貧憚，過厝過宅；若貧憚，也厚話，愛插事，講所應該講的。
14 所以我愛少年的寡婦閣嫁，生子，料理家，無互對敵有機會通講歹話。
15 因為已經有人越轉去隨撒但。
16 若是信主的婦仁人，伊的皆親有寡婦，就著幫助伊，免致連累教會，互教會通幫助許個真正做寡婦的。
17 𠢕治理教會的長老，著加倍尊敬伊；許個著磨佇講道理及教示的，閣卡著按呢。
18 因為聖經講：「磨五穀的牛，莫得籠伊的嘴」；閣：「做工的堪得受伊的工錢。」
19 有告長老的，若是有二三個做干證，就莫得接納。
20 犯罪的，著當眾人的面前責備𪜶，互其餘的也通驚惶。
21 我佇上帝及基督耶穌以及受揀的天使的面前命令你：著守諸個事，莫得固執所存的意見，行代誌莫得偏私。
22 莫得趕緊給人按手；也莫得有份佇別人的罪，家己著顧清氣。
23 莫得閣干單飲水，著用淡薄酒，因為你的脾胃，及你的厚破病的緣故。
24 有人𪜶的罪露現，做頭前行到佇審判；有的𪜶的罪隨𪜶的後面。
25 親像按呢，好的所行也有露現的，許個是按呢的也蓋𣍐密。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。