上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
24
猶太人告保羅
五日後，祭司頭亞拿尼亞及幾若個長老，及一個辯護士帖土羅落來，對總督告保羅。
2 保羅受召，帖土羅就告伊講：
3 「腓力斯大人，阮對你得著太平，閣對你的先見，此國的弊病得著改正；逐時逐所在阮承受伊來感謝無息。
4 今敢延你甚久，求你寬容聽阮幾句話。
5 因為有查出此人，親像瘟疫，佇天下生起擾亂，做拿撒勒黨的頭目，
6 連聖殿伊亦欲拍垃墋；阮就掠伊。
8 你家己審問伊，就阮所告伊逐項的因端會確實知。」
9 猶太人同聲告伊講：「代誌實在是按呢。」
保羅為家己分訴
10 總督點頭教保羅講。伊就應講：「我知你做此邦國的審判司多多年，所以歡喜分訴家己的代誌。
11 你會知，我上耶路撒冷敬拜到今不過十二日。
12 𪜶未曾抵著我佇殿內及人辯論，抑是擾動眾人，就佇會堂亦無，城內亦無。
13 閣現在所告我的事𪜶攏𣍐會對你顯出證據。
14 獨獨一項，我對你認，就是𪜶所叫做結黨的路，我照按呢來服事列祖的上帝，閣信攏總合佇律法的以及記載佇先知的冊的，
15 閣對上帝有向望，就是無論義人及不義的人，欲攏復活，這亦是𪜶家己所啲欣慕的。
16 我佇此個家己練習，就是對上帝對人，常常存無虧負的良心。
17 今過幾若年，我倒來是欲賑濟本國及獻禮物。
18 啲獻的時，𪜶抵著我佇殿裡已經清氣，並無結歸群，也無喊嘩，只有幾個猶太人對亞西亞來的。
19 𪜶若有通責罪我，就應該來佇你的面前告我。
20 抑是佇遮的人，若看見我徛佇公會的面前，有甚麼不義，𪜶亦著家己講。
21 設使有，亦不過此一句若定，就是我徛佇𪜶中間叫講：『為著死人復活的事，我今仔日佇恁的面前受審判。』」
22 腓力斯本詳細知關涉此個路的事，就延迁𪜶講：「千總呂西亞落來的時，我就欲審斷恁的代誌。」
23 對按呢命令百總顧守保羅，亦放寬伊，伊的人若來供給伊攏莫得阻擋。
腓力斯留保羅佇監裡
24 過幾若日，腓力斯及伊的某，土西拉，是猶太人，相及來，就召保羅，愛聽伊論信基督耶穌的道理。
25 保羅議論公義、貞節，及將來的審判。腓力斯不止驚，應講：「今請退去，有利便的時才召你。」
26 伊亦向望保羅欲銀互伊，所以沓沓召伊來，及伊談論。
27 過二年，波求‧非斯都接腓力斯的任；腓力斯愛取猶太人歡喜，就留保羅猶原縛啲。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。