上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
6
揀選七人辦理供給的事
當彼時，學生加添多多，有講希利尼話的猶太人對希伯來人出怨言，因為逐日的供給無顧著𪜶的寡婦。
2 十二個使徒叫眾學生來，對𪜶講：「阮將上帝的道理放下啲來辦理吃食，合宜。
3 所以兄弟啊，著對恁中間揀有好名聲、受神，及智慧充滿的七人，阮就設立𪜶管理此個事。
4 阮欲專務祈禱、傳道。」
5 眾人歡喜此個話，就揀司提反，伊是有信及聖神滿滿的人，閣揀腓利、伯羅哥羅、尼迦挪、提門、巴米拿，及曾入猶太教的安提阿人尼哥拉，
6 互𪜶徛佇使徒的面前。就祈禱，給𪜶按手。
7 上帝的道理愈興旺；佇耶路撒冷學生的數額加添真多，祭司順服佇福音亦多多。
司提反受掠
8 司提反受恩典及才能滿滿，行大的奇事神蹟佇百姓的中間。
9 彼時有會堂叫做利百地拿的、及古利奈的、亞力山太的、以及對基利家、亞西亞來的幾若人，起來及司提反辯論。
10 司提反用智慧用神來講，𪜶𣍐會抵擋，
11 就用人出來講：「阮曾聽見伊講謗瀆摩西及上帝的話。」
12 𪜶閣教唆百姓、及長老、及經學士，忽然到，掠伊，帶到公會，
13 叫假干證來，講：「此人講話攻擊此個聖的所在及律法無息。
14 因為阮曾聽見伊講，此個拿撒勒人耶穌欲毀壞此個所在，也欲改換摩西所傳互咱的規例。」
15 彼霎坐佇公會中的人攏注目看伊，看伊的面，親像天使的面。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。