上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
1
耶穌基督的家譜
( 路 3:23-38 )
亞伯拉罕的後裔，大衛的後裔，耶穌基督的家譜：
2 亞伯拉罕生以撒；以撒生雅各；雅各生猶大及伊的兄弟；
3 猶大對代瑪氏生法勒斯及謝拉；法勒斯生以斯崙；以斯崙生亞蘭；
4 亞蘭生亞米拿達；亞米拿達生拿順；拿順生撒門；
5 撒門對喇合氏生波斯；波斯對路得氏生俄伯；俄伯生耶西；
6 耶西生大衛王。大衛對烏利亞的某生所羅門；
7 所羅門生羅波安；羅波安生亞比亞；亞比亞生亞撒；
8 亞撒生約沙法；約沙法生約蘭；約蘭生烏西亞；
9 烏西亞生約坦；約坦生亞哈斯；亞哈斯生希西家；
10 希西家生瑪拿西；瑪拿西生亞們；亞們生約西亞；
11 百姓受遷徙到巴比倫的時，約西亞生耶哥尼亞及伊的兄弟。
12 遷徙到巴比倫了後，耶哥尼亞生撒拉鐵；撒拉鐵生所羅巴伯，
13 所羅巴伯生亞比勿；亞比勿生以利亞金；以利亞金生亞所；
14 亞所生撒督；撒督生亞金；亞金生以律；
15 以律生以利亞撒；以利亞撒生馬但；馬但生雅各；
16 雅各生約瑟，就是馬利亞的丈夫，稱做基督的耶穌，是對此個馬利亞生的。
17 按呢，對亞伯拉罕到大衛，共十四代；對大衛到遷徙去巴比倫的時亦十四代；對遷徙去巴比倫的時到基督閣十四代。
耶穌基督的降生
18 ( 路 2:1-7 )
耶穌基督的出世記佇下底：伊的老母馬利亞，已經做約瑟定著，猶未娶過門，就對聖神有娠孕。
19 伊的丈夫約瑟是義的人，愛顯然辦伊，按算欲暗靜廢親。
20 啲想的時，有主的天使佇伊的眠夢中出現，講：「大衛的後裔約瑟啊，無得驚！著娶你的某馬利亞過門，因為伊所懷孕的是對聖神。
21 伊欲生子，你著叫伊的名做耶穌，因為伊欲救伊的百姓脫出𪜶的罪惡。」
22 此個事攏成，是欲應驗主託先知所講的，
23 講：
你看，在室女欲娠孕生子；
人欲叫伊的名做以馬內利。
（翻譯就是「上帝及咱佇啲」。）
24 約瑟睏醒，起來，照主的天使所命令去行，娶伊的某過門；
25 無及伊同房，到伊生子，就叫伊的名做耶穌。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。