上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
何西阿書
9
何西阿宣佈以色列受刑罰
以色列啊，莫得歡喜莫得快樂親像外邦人；
因為你行邪淫離開你的上帝，
佇逐個五穀場愛人送物。
2 五穀場及酒窟無欲養飼𪜶；
向望新酒也空空。
3 𪜶無通徛起耶和華的地；
總是以法蓮欲倒去埃及，
欲佇亞述食無清氣的食物。
4 𪜶無通向耶和華奠酒，
𪜶的祭物也無得著伊歡喜。
欲親像抵著死失的家的食物，
見若食者的確染著垃墋；
因為𪜶的食物通做家己的路用，
𣍐通入耶和華的殿。
5 佇大會的日，
及耶和華的節期，恁欲怎樣做啊？
6 看啊，𪜶閃避災害去；
埃及人欲聚集𪜶，
摩弗人欲埋葬𪜶。
𪜶用銀所做通意愛的，欲發蒺蔾；
𪜶的帳房內欲發莿帕。
7 刑罰的日已經到，
報應的日已經到。
以色列欲知，先知愚戇；
受神感動者癲狂，
因為你的罪過真多，怨恨也真大。
8 以法蓮及咱的上帝做守望者；
論到先知，佇伊攏總的路做掠鳥的羅網，
佇伊的上帝的厝內囥怨恨。
9 𪜶深深家己敗壞，
親像佇基比亞的日。
伊欲記得𪜶的罪過，
辦𪜶的罪惡。
以色列的罪及伊的後果
10 我尋著以色列親像葡萄佇曠野；
我看見恁的列祖親像無花果頭季起頭熟的果子。
總是𪜶就近巴力‧毗珥專心敬拜彼個通見誚者，
就成做可惡者，
及𪜶所戀愛者一樣。
11 論到以法蓮，𪜶的榮光欲親像鳥飛去，
欲無生子，無帶娠、無懷孕。
12 就若飼子到大漢，
我也欲互伊死子，到無留一個。
我離開𪜶，𪜶就有災禍。
13 我看以法蓮親像推羅，栽佇肥的地。
總是以法蓮欲導伊的子兒出來，
交互刣死人者。
14 耶和華啊，你著互𪜶──
欲互𪜶甚麼？
互𪜶磕落娠的胎，奶乾去。
耶和華審判以色列
15 𪜶一切的歹代攏佇吉甲；
我佇遐怨恨𪜶。
因為𪜶所行的歹，
我欲對我的家趕𪜶出去，
無閣疼惜𪜶；
𪜶的首領攏是悖逆者。
16 以法蓮受拍，
𪜶的根頭枯焦，𣍐會結果子，
𪜶就若生子，
我欲刣死𪜶所生所疼者。
先知論以色列
17 我的上帝的確棄絕𪜶，
因為𪜶聽趁伊；
𪜶也的確漂流佇列國中。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。