上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
耶利米書
11
耶利米及約
有話對耶和華臨到耶利米講：
2 「恁著聽此個約的話，給猶大人及耶路撒冷徛起的百姓講，
3 你對𪜶講，耶和華──以色列的上帝按呢講：無聽趁此個約的話的人著受咒詛。
4 此個約是我導恁的列祖出埃及地、脫離鑄鐵的爐彼日所吩咐𪜶的，講：『恁著聽趁我的話，照我一切所吩咐的去行。』按呢，恁就做我的百姓，我亦做恁的上帝；
5 互我通堅固對恁的列祖所咒的誓，賞賜𪜶流奶及蜜的地，抵抵親像今仔日一樣。」我就應講：「耶和華啊，阿們！」
6 耶和華對我講：「你著傳諸個話佇猶大諸個城及耶路撒冷的街市，講：恁著聽此個約的話來行伊。
7 因為對我導恁列祖出埃及彼一日，到今仔日，我切切警戒𪜶，就是早早起來警戒𪜶講：『恁著聽趁我的話。』
8 總是𪜶聽趁，俯耳孔，竟然逐個照家己歹心的剛硬去行。所以我互此個約一切咒詛的話臨到𪜶的身上；此個約是我吩咐𪜶著行的，總是𪜶無行。」
9 耶和華對我講：「佇猶大人及耶路撒冷人的中間有謀叛的事。
10 𪜶越轉行𪜶的列祖的歹，𪜶的列祖肯聽我的話，𪜶就趁別號的上帝，來服事伊。以色列家及猶大家違背我及𪜶的列祖所立的約。」
11 所以耶和華按呢講：「看啊，我欲互災禍臨到𪜶，就是𪜶所𣍐逃脫的。𪜶欲對我哀求，我聽𪜶。
12 彼時，猶大諸個城的人，及耶路撒冷徛起的百姓欲去哀求𪜶所燒香來服事許個上帝；總是抵著患難的時，諸個上帝攏𣍐會拯救𪜶。
13 猶大啊，你的上帝的數額及你的城的數額平平；你也為著通見誚的物來起壇，照耶路撒冷諸個街路的數額，許個壇就是燒香佇巴力的。
14 「所以你莫得為著此個百姓祈禱，莫得為著𪜶出聲祈求；因為𪜶抵著患難哀求我的時，我無欲聽𪜶。
15 我所疼者，你已經行歹，你佇我的厝欲啥事？下願、獻肉豈會除去你的罪惡互你歡喜？
16 耶和華曾稱你的名做青翠的橄欖樹，好看亦結好果子；今伊用嘩嘩嚷的聲，起火佇伊的頂面，枝椏亦受遏折。
17 萬軍的耶和華早栽培你者，今命令災禍攻擊你，是因為以色列及猶大家行歹，向巴力燒香，惹我的受氣，家己做家己受。」
刣死耶利米的陰謀
18 耶和華指點我，我才知；
彼時你將𪜶所行的報我看。
19 總是我親像純良的羊仔牽到受刣的地；
我並知𪜶設計謀欲害我，
講：咱將樹及果子攏給伊滅去！
將伊對活人的地剪除去，
互伊的名無閣互人紀念。
20 萬軍的耶和華啊，你是照公義判斷、鑑察人的心腹心腸者，
求你互我看你對𪜶報讎，
因為我將我的案件稟明佇你。
21 所以，耶和華論到數想你的生命的亞拿突人按呢講：「𪜶講：你莫得奉耶和華的名來讖語，免得你死佇阮的手頭。
22 所以萬軍的耶和華按呢講：看啊，我欲刑罰𪜶；少年人欲互刀刣死，𪜶的子、查某子欲因為飢荒來死，互𪜶無剩一個；
23 因為辦理𪜶的年，我欲降災禍佇亞拿突人。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。