上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
10
──草蜢災
耶和華對摩西講：「你入去見法老。因為我已經互伊的心及伊的人臣的心剛硬，通互我顯明我諸個神蹟佇𪜶中間，
2 也欲互你將我所做佇埃及的事，及我佇𪜶中間所行諸個神蹟，傳互你的子及你的孫聽，通互恁知我是耶和華。」
3 摩西、亞倫就去見法老，給伊講：「耶和華──希伯來人的上帝按呢講：『你佇我的面前肯家己謙卑欲到甚麼時啊？著准我的百姓去，互𪜶服事我。
4 你若肯互我的百姓去，看啊，明仔日我欲互草蜢入你的境內，
5 𪜶欲遮蓋地面，致到𣍐看見土，閣欲食彼個對災禍所剩的就是雹所拍無了的，也欲食田裡為恁所發一切的樹木。
6 草蜢欲充滿你的厝及你的眾人臣的厝，以及一切埃及人的厝，對你的老父及你的祖公出世到今，未曾看見按呢。』」摩西就越轉身離開法老出去。
7 法老的人臣對伊講：「此人做咱的羅網欲到甚麼時啊？著准諸個人去服事耶和華──𪜶的上帝！埃及已經敗壞，你豈知嗎？」
8 對按呢摩西、亞倫受召倒轉來見法老；法老給𪜶講：「恁去服事耶和華──恁的上帝；獨獨許個欲去者是甚麼號人啊？」
9 摩西講：「阮欲及阮的少年人老人去，也欲帶阮的子查某子，及阮的羊群牛群做一下去，因為阮著守耶和華的節。」
10 法老對𪜶講：「好啦，我准恁及恁的囝仔去啦！願耶和華及恁佇啲，恁著謹慎；災禍佇恁目睭前啦！
11 按呢𣍐做得！恁諸個大人通去服事耶和華，因為這是恁所求的。」就對法老的面前趕𪜶出去。
12 耶和華給摩西講：「你伸手指埃及地，互草蜢上來埃及地，食地裡一切的菜蔬，就是雹拍無了的。」
13 摩西就伸伊的柺仔指埃及地，耶和華就互東風通日通暝吹佇地裡；到明仔早起，東風就將草蜢吹來。
14 草蜢上來埃及遍地，歇佇埃及的四境，利害到極；從前無有按呢的草蜢，以後也無欲按呢。
15 因為𪜶遮蓋全地，致到地攏黑暗，閣食地上一切的菜蔬及樹裡的果子，雹所拍無了的。埃及遍地，無論樹木，抑是田裡的菜蔬，無留一項青翠的物。
16 對按呢法老趕緊叫摩西、亞倫來，講：「我得罪恁的上帝──耶和華，也得罪恁。
17 今求你干單此一擺，赦免我的罪，求恁的上帝──耶和華互我脫離此一擺的死無。」
18 摩西就離開法老去求耶和華。
19 耶和華就轉真透的西風將草蜢吹起來，趕入紅海；佇埃及的四境無留一隻草蜢。
20 總是耶和華互法老的心硬，准以色列人去。
──黑暗的災
21 耶和華給摩西講：「你伸手向天，互埃及地黑暗；此個黑暗到會摸得。」
22 摩西就伸手向天，埃及遍地就三日久黑黑暗暗。
23 三日久，人𣍐看見人，也無起來離開伊的所在；獨獨以色列人的厝攏有光。
24 法老就叫摩西來，講：「恁去服事耶和華；獨獨是恁的羊群牛群著留啲；恁的囝仔就通及恁相及去。」
25 摩西講：「你也著將牲禮及燒祭的物交阮的手，互阮通祭祀耶和華──阮的上帝。
26 阮的精牲也著及阮去，連一隻也留啲；因為阮著對彼中間取伊，來服事耶和華──阮的上帝。閣阮猶未到遐，知著用甚麼服事耶和華。」
27 總是耶和華互法老的心硬，肯互𪜶去。
28 法老給摩西講：「你著離開我去，你著謹慎家己，通閣見我的面！因為你見我的面彼日你會死！」
29 摩西講：「你按呢講好！我無欲閣見你的面啦。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。