上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
出埃及記
7 耶和華對摩西講：「看啊，我互你對佇法老做上帝，你的兄亞倫欲做你的先知。
無經文
2 見若我所吩咐你的，你攏著講伊。你的兄亞倫著對法老講，互伊准以色列人出伊的地。
2 無經文
3 我欲互法老的心硬，也欲佇埃及地行我多多的神蹟奇事。
3 無經文
4 總是法老無欲聽恁；我欲伸我的手佇埃及，用大的審判導我的軍隊，我的百姓以色列人出埃及地。
4 無經文
5 我伸我的手佇埃及，導以色列人對𪜶中間出來的時，埃及人就知我是耶和華。」
5 無經文
6 摩西、亞倫就按呢行；耶和華怎樣吩咐𪜶，𪜶就照按呢行。
6 無經文
7 𪜶及法老講話的時，摩西八十歲，亞倫八十三歲。
7 無經文
亞倫的枴仔
8 耶和華對摩西、對亞倫講：
8 無經文
9 「法老若對恁講：『恁著行一件奇事來看覓唧！』你著對亞倫講：『攑你的枴仔來㧒佇法老的面前，互伊變做蛇。』」
9 無經文
10 摩西、亞倫入去見法老，就按呢行照耶和華所吩咐的。亞倫將伊的枴仔㧒佇法老及伊的人臣的面前，枴仔就變做蛇。
10 無經文
11 法老也召智慧的人及師公來；𪜶是埃及的博士，也用𪜶的邪術照按呢行。
11 無經文
12 𪜶逐人㧒𪜶的枴仔，攏變做蛇；總是亞倫的枴仔吞𪜶的枴仔。
12 無經文
13 法老的心硬，無欲聽𪜶，抵抵照耶和華所講的。
13 無經文
埃及災禍──血災
14 耶和華對摩西講：「法老的心固執，伊准百姓去。
14 無經文
15 天光早，你去見法老，看啊，伊出去水邊，你著徛佇河邊等接伊，你的手著攑彼支變蛇的枴仔，
15 無經文
16 對伊講：『耶和華──希伯來人的上帝差我來見你，講：准我的百姓去，通佇曠野服事我。看啊，到今你猶未有聽。
16 無經文
17 耶和華按呢講：你欲對此一件知我是耶和華。看啊，我欲用我手裡的枴仔拍河中的水，水就變做血；
17 無經文
18 河裡的魚欲死，河也欲臭味，埃及人厭賤愛飲河的水。』」
18 無經文
19 耶和華對摩西講：「你著給亞倫講：『攑你的枴仔伸你的手佇埃及諸個水的頂面，就是佇𪜶的江、河、池及一切的水窟的頂面，互𪜶攏變做血。佇埃及遍地，無論柴的器具、石的器具，攏欲有血。』」
19 無經文
20 摩西、亞倫就按呢行照耶和華所吩咐。佇法老及伊的人臣的面前攑起枴仔拍河裡的水，河裡的水攏變做血。
20 無經文
21 河裡的魚攏死，河也臭味，埃及人𣍐會飲河裡的水；埃及遍地攏有血。
21 無經文
22 埃及的博士，也用𪜶的邪術照按呢行。法老的心硬，聽𪜶，抵抵照耶和華所講的。
22 無經文
23 法老倒去伊的宮內，此個事伊也無掛心。
23 無經文
24 埃及人佇河的雙旁掘地，愛得著水通飲，因為河的水𪜶𣍐飲得。
24 無經文
25 耶和華拍河了後歷過七日。
25 無經文
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。