上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬可福音
13
耶穌預言聖殿受毀壞
( 太24:1-2 路21:5-6 )
耶穌對聖殿出來的時，有一個門徒對伊講：「老師，你看，石即呢大塊！建築物即呢堂皇！」
2 耶穌給𪜶講：「恁啲看諸個大的建築物噢。佇遮，諸個攏會受拆毀，拆甲無一塊石會疊佇別塊頂面。」
災難及迫害
3 ( 太10:17-22 24:3-14 路21:7-19 )
耶穌佇橄欖山頂，面向聖殿啲坐的時，彼得、雅各、約翰，及安得烈私下給伊問：
4 「請給阮講，此個代誌什麼時會發生？諸個一切的代誌啲欲完成的時有什麼兆頭？」
5 耶穌就給𪜶講：「著謹慎，才免受迷惑。
6 有真多人會利用我的名，講『我就是基督』來迷惑真多人。
7 恁聽著戰爭以及戰爭的風聲的時，免驚。諸個代誌一定會發生，拘終局猶未到。
8 因為民族會起來攻擊民族，國家攻擊國家。真多所在有地動，有飢荒。諸個代誌不過是催陣痛疼的開始。
9 「恁家己著謹慎，恁會互人交互議會，佇會堂受鞭拍。恁會為著我的緣故徛佇總督及君王的面前，對𪜶做見證。
10 拘福音一定著代先傳互萬民。
11 𪜶給恁掠去交互法庭的時，免先煩惱欲講什麼，彼時恁得著什麼指示就照按呢講，因為啲講的是恁家己，是聖神。
12 兄弟會出賣兄弟，互伊死；老父嘛會按呢對待子兒。子兒會起來攻擊父母，給𪜶害死。
13 恁會因為我的名互眾人怨恨，拘忍耐到最後的人會得著救。」
大災難
14 ( 太24:15-28 路21:20-24 )
「當恁看著彼個『可惡的毀滅者』徛佇應該徛的所在—讀的人著明白此句話的意思—彼時佇猶太的人著逃走去山內；
15 佇厝頂的，通落來，嘛通入去厝內提物件；
16 佇園裡的，通轉去挔外衫。
17 佇許個日子，有身孕的及互嬰仔食奶的婦仁人非常不幸！
18 著祈禱，諸個代誌才免佇冬天發生。
19 因為佇許個日子啲欲有災難，是對上帝創造萬物以來曾有的，將來嘛𣍐閣有。
20 主若無減少許個日子，無人會得著救；拘為著伊所揀的選民，伊已經有減少許個日子。
21 「彼時，若有人給恁講『恁看，基督佇遮』，抑是講『恁看，伊佇遐』，通相信。
22 因為有一寡假基督及假先知會出現，行神跡奇事，若會當，連選民都欲給𪜶迷惑。
23 著謹慎；我已經將一切攏先給恁講啦。」
人子的來臨
24 ( 太24:29-31 路21:25-28 )
「佇彼個災難過了許個日子，
日會變烏暗，
月𣍐發光，
25 星會對天頂落落來，
天頂的光體攏會搖泏。
26 彼時，人會看見人子充滿大權能及榮光坐雲來臨。
27 伊會差遣天使對四方，對地的此旁到天的彼旁聚集伊的選民。」
對無花果樹學習
28 ( 太24:32-35 路21:29-33 )
「著對無花果樹學習：枝茁芛發葉的時，恁就知夏天啲欲到。
29 親像按呢，恁看著諸個代誌發生的時就知人子已經接近，到門口啦。
30 我實在給恁講，此世代猶未過去，這一切攏會發生。
31 天及地會消失，拘我的話絕對𣍐消失。」
彼個日，彼個時，無人知
32 ( 太24:36-44 )
「關係彼個日，彼個時，無人知；天頂的天使知，子嘛知，只有父知。
33 著謹慎，著警醒，因為恁知彼個時刻什麼時會到。
34 親像有一個人欲出外，將權交互奴僕，分配工作互逐個人，閣吩咐守衛小心顧守。
35-36 所以，著警醒，才免此家的主人忽然轉來看著恁啲睏，因為恁知伊什麼時會轉來，是黃昏抑是半暝，是天欲光抑是日出的時。
37 我給恁講的話嘛欲對眾人講：著警醒！」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。